Փաստ ինֆո

Սոնա Մնացականյանի և նրա չծնված երեխայի սպանության գործով դատական նիստը պիտի կայանա երկուշաբթի՝ նոյեմբերի 18-ին, ժամը 16։30-ին։ Այս մասին իր ֆեյսբուքյան էջում գրել է Մարիամ Կանանյանը ու շարունակել.

«Նիստը պիտի տեղի ունենար օգոստոսի 29-ին, բայց մեղադրյալի պաշտպանների բացակայության պատճառով չկայացավ։ Պաշտպանները արդարացել էին, որ շփոթել էին օրը, հավելելով, որ վերաքննիչում այլ գործով ամբաստանյալը «պահանջել» էր երկու պաշտպանների ներկայությունը (Հարցն էն է, որ այդպիսի պրակտիկա չկա, որ ամբաստնյալը պարտավորեցնի 2 պաշտպանների պարտադիր ներկայությունը)։

Էսպիսով ստացվում է, որ նիստը տեղի է ունենալու նախորդ նիստից ուղիղ 5 ամիս հետո (նախորդը եղել էր հունիսի 18-ին), ինչն էլ ցույց է տալիս դատական պրոցեսը ձգձգելու միտումը։

Մի քանի հիշեցում․
Մինչ օրս միակ մեղադրյալ համարվում է վրաերթ կատարող վարորդը, բայց ոչ նաև շարասյան պատասխանատուները։ Քննչական կոմիտեն մի քան անգամ որոշում է կայացրել չհարուցել քրեական հետապնդում ՀՀ վարչապետին ուղեկցող ավտոշարասյան ղեկավար պաշտոնատար անձանց նկատմամբ։
Ռադիոկապի՝ պարտադիր համարվող ձայնագրության անհետացման հանգամանքները պարզելու համար քննչականի կոմիտեի կողմից որևէ բան չի ձեռնարկվել։

Այս գործը հանրության համար կարևոր է այնքանով, որ ՀՀ վարչապետի, պաշտոնյաների շարասյունների ու վարորդների սանձարձակ, լկտի երթևեկումը մինչև Սոնա Մնացականայինի ողբերգական մահը և դրանից հետո, բազում վտանգավոր իրավիճակներ են ստեղծել ու շարունակում են ստեղծել»

Աղբյուր` Փաստինֆո