Փաստ ինֆո

Այսօր հասկանալի դարձավ, որ նիկոլփաշինյանական մորուքը խանգարում է նրան։ Այսինքն, նա նույնիսկ սեփական մորուքի հետ հաշտ չէ, որ հենց ինքն է, իր կերպարը՝ չսափրված, ուր մնաց թե՝ ֆիդայիների, սասունցի, մշեցի, արցախցի, խոյեցի և ծագումով՝ պատմական Հայաստանի այլ գավառներ ներկայացնող հայերի հետ հաշտ լինի։ Հիշողություն ունեցողների․․․ Իսկ նրանց հետ հաշտ չէ, քանի որ նրանք արմատներ ունեն, որը խորն է, մայր հողի խորխորատներն է իջնում։ Իսկ ինքը՝ ոչինչ չի գտել իր նախնիների պատմությունից։ Բայց փնտրե՞լ է արդյոք։ Իսկ կա՞, որ գտներ, մարդը պատմական Հայաստանի հետ կապ չունի, քանի որ հայությա՛ն հետ ընդհանրապե՛ս կապ չունի։

Բարդ է, շատ բարդ է փաշինյանական կերպարը տեղավորել Հայաստանում։ Ինքն, օրինակ, շատ լավ կմերվեր ազարբայջան սարքովի պետությանը, քանի որ ինքն էլ սրանց պես արմատներ չունի, բնիկ չէ Հայկական բարձրավանդակում։
Ի վերջո, հիշու՞մ եք, չէ՞, որ նա ասում էր, թե պիտի այնպես անի, որ լավ լինի և՛ Հայաստանի, և՛ Արցախի և՛ ազարբայջանի համար։ Արցախի և արցախցու հայրենիքը գողացավ նրանց հանդեպ ոճիր գործեց՝ Արցախը հանձնելով ազերիներին։
Այլ կերպ ի՞նչ բացատրություն ունի նրա մատը մատին չտալը։ Հայաստանի հանդեպ տեսնում եք, թե ոնց է վարվում, էլ բարձունք, էլ գյուղ ու արոտավայր, չթողեց, նվիրաբերեց ալիևին, Սև լիճը՝ վկա․․․որն ուղղակի թշնամուն հանձնեց։ Այսինքն՝ այնպես արեց, որ միայն և բացառապես ազարբայջան սարքովի պետությսոն համար լավ, արտակարգ լավ լինի։ Դե նրանք էլ խոստովանում են՝ փաշինյանը նվեր է իրենց համար։

Հիմա, եկել հասել է Սահմանադրությանը։ Ավելի ճիշտ՝ ազերիները, ալիևն ու էրդողանն են հասել ՀՀ Սահմանադրությանը և պարտադրում են , թե՝ այս ու այս էլ պիտի անես․․․Սրանք վախենում են և ուզում ամեն կերպ ապահովագրել իրենց ապօրինությունները, որ օգտվելով փաշինյանի թուլությունից իրականացրել են։ Իսկ վերջինս մինչև վերջ երկիրը պատրաստ է հանձնել, նվիրել ալիևին, միայն թե՝ ինքը իշխանության մնա։ Ավելին, տեսակետներ կան, որ ինքն է շարունակ լաց լինում ալիևի մոտ, թե նախկիններն ինձ նեղում են։

Ասում է՝ խաղաղության պայմանագիրը եթե չհամապատասխանի Սահմանադրությանը, ապա ՀՀ Մայր օրենքը պիտի փոխվի։ Այսինքն՝ էդ ո՞նց։ Այսինքն, Սահմանադրական կարգի տապալու՞մ է ուզում փաշինյաննիկոլը։ Ընդհանրապես, այն, որ վարչապետի աթոռն զբաղեցնողը ՀՀ Անկախության Հռչակագիրն է հիմա էլ հակադրում պետությանը, ասելով, թե՝ այն պետության չգոյության մասին է, թե մենք կորցրել ենք մեր պետեւթյունը՝ ուղղակի փաստում է այս մարդու՝ պատմական իրողությունների՝ հերթագայության, տվյալ ժամանակի մեջ չհասկանալու և չգիտակցելու մասին։ Մարդը պատմական հիշողություն չունի, պատմություն չգիտի, ճամարտակում է զուտ՝ կենցաղային, առօրեական մտածողությամբ։

Բայց այն, որ իր ամեն ճամարտակության հետևում վտանգ կա, որ Հայաստանի և հայության դեմ է՝անկասկած է...

Գործ ունենք աղետալի, կործանարար մի երևույթի հետ, որը

Պետությունից էլ, պետականությունից էլ, Սահմանադրությունից էլ՝ պիտի լինի հեռու, հեռու․․․

Մնում է ասես՝ այ մարդ, դու ավելի լավ է հեծանիվ քշես․․․

Աղբյուր` Փաստինֆո