Փաստ ինֆո

Ազգային ժողովում ՍԱՏՄ նախագահի թեկնածու ընտրության ընթացքում վեճ տեղի ունեցավ ԱԺ փոխխոսնակ Ռուբեն Ռուբինյանի և «Հայաստան» խմբակցության պատգամավոր Արթուր Խաչատրյանի միջև, այն բանից հետո, երբ նույն խմբակցության պատգամավոր Աննա Գրիգորյանը թեկնածուին հարցրեց, թե որքանով թեկնածուի համար ընդունելի է Ադրբեջանից գազի ներկրում, և ինչ քաղաքական կողմնորոշում ունի թեկնածուն։

Ռուբեն Ռուբինյանը միջամտեց, թե՝ « բայց զգում եք, չէ կողքները նստած են դաշնակցականները, որոնք ընդունել են «004» շրջաբերականը, որով ուզում են մատաղ անել Հայաստանի ինքնիշխանությունը, հիմա եկել՝ հարցեր են տալիս ինչ-որ մեկի ֆեյսբուքից։ Դուք ձեր շրջապատին հարցրեք, էդ «004» շրջավերականն ի՞նչ է։

Արթուր Խաչատրյանն էլ արձագանքեց, թե. «դու էն ասա՝ Նիկոլ Փաշինյանը հանդիպե՞լ է ԱՄՆ նախագահի հետ»։
Ռուբինյանը պատասխանեց՝ այո, «պաշտոնական՝ ոչ, ինչպես պաշտոնական չեն հանդիպել նաև մյուսները։

Ռուբինյանը պարզաբանեց, երեկ ինքն ու Խաչատրյանը վիճել էին հետևյալ հարցի շուրջ. «Պարոն Խաչատրյանն ասում էր, որ Նիկոլ Փաշինյանը միակ ՀՀ ղեկավարն է, որին ԱՄՆ նախագահը չի ընդունել, ես էլ իրեն ասում էի՝ ոչ, Լևոն Տեր-Պետրոսյանն է եղել միակ ղեկավարը, որը պաշտոնական երկկողմ այցով եղել է ԱՄՆ-ում, հետո ես ստուգեցի՝ Ռոբերտ Քոչարյանը Քիվեստից հետ գալուց Երևան՝ հանդիպել է Բիլ Քլինթոնի հետ, իսկ Սերժ Սարգսյանը երբեք Ստիպակ տանը չի եղել։ Բոլոր նախագահները ինչ-որ ֆորմատով ԱՄՆ նախագահի հետ հանդիպել են՝ ոչ պաշտոնական։ Ամեն դեպքում՝ խնդրում եմ ասել, թե ինչ «004»-ն շրջաբերական է, դրանով ՀՀ ինքնաիշխանությունը մատաղ անելո՞ւ են»։

Խաչատրյանն էլ պատասխանեց. «Թուրքերը, որ Ջերմուկում են՝ դա մատաղ անել չի՞»։

Աղբյուր` Փաստինֆո