Փաստ ինֆո

Փաշինյանի հայտարարությունը, թե եթե Խաղաղության պայմանագիրը չհամապատասխանի Սահմանադրությունը, ապա Սահմանադրությունը պետք է փոխվի՝ ոչ այլ ինչ է, քան Սահմանադրական կարգի տապալում։ Այս մասին «Փաստինֆոյի» հետ զրույցում ասաց քաղաքագետ Արթուր Խաչիկյանն՝ անդրադառնալով նախօրեին Նիկոլ Փաշինյանի Ազգային Ժողովում արած հայտարարությանը։

«Սա Հայաստանի շարունակվող ապամոնտաժում է, մի մոռացեք, որ այնտեղ ուրիշ պահանջներ կան, որոնք նա կբավարարի, որպեսզի ինքը ու իր խումբը մնա իշխանության։ Այս մասին պետք է ասել, այն մարդկանց, ովքեր տարիներ առաջ քվեարկեցին այս աղանդի օգտին ու երկրորդ անգամ այդ դժբախտությունը բերեցին մեր գլխին։

Ես ավելի մեծ հարգանքով վերաբերվում եմ մեր թշնամիներին, քան այն մարդկանց, ովքեր մինչև օրս այս սեկտանտներին, այս դավաճաններին շարունակում են աջակցել»։

Նա ընդգծեց, որ Ալիևի հաջորդ պահանջները հայտնի են, իսկ այս իշխանությունները հերթով բավարարում են նրանց պահանջները, բառացիորեն կրկնում են Ալիևի և Էրդողանի պահանջները՝ միայն մեկ պատճառով, որպեսզի մնան իշխանության և շարունակեն վայելել կառավարական աշխատավարձները, մեքենաները և մյուս արտոնությունները, որենք ժողովրդին խաբելով ստացան 2018 թ-ին։

«Որևէ իշխանություն այսպիսի խայտառակ ձևով չդավաճանեց մեր ժողովրդին և այսպես չստորացրեց, մեր 35 տարվա անկախ պատմության մեջ այսպիսի խայտառակ իրավիճակ չէր եղել։ Նրանք մեզ խաբեցին, դեռ 2018-ին ու դեռ մեր երկրում փոքր մաս կա, որ շարունակում է այդ աղանդի մաս լինել։

Կրկնում եմ, Ալիևը չի կանգնելու, նա ունի այլ պահանջներ, Ադրբեջանցիները պետք է վերադառնան Հայաստան, սրանից հետո մենք պետք դառնանք Արևմտյան Ադրբեջան, իսկ այս խումբը կդառնա Երևանի կենտրոնի կառավարություն։ Այսինքն, Երևանից կթողնեն կենտրոնը, որ այդ խումբ սեկտանտները ձևացնեն, որ պետություն են ղեկավարում»։

Անդրադառնալով հայտարարությանը, թե Անկախության հռչակագիրը ՀՀ պետության չգոյության մասին է՝ Խաչիկյանն ասաց, որ այդ հայտարարությունը կարելի է հասկանալ, որպես մի հիվանդ մարդու խոսք, որը ամեն կերպ փորձում է արդարացնել իր բերած խայտառակ պարտությունը՝ «հարբած բղավելով, թե դա իր մեղքը չէ, այլ նախկինների մեղքն է։ Հիմա էլ նոր մեղավեր են գտել, հիմա էլ մեր Սահմանադրություն ու մեր Անկախության հռչակագիրն է խանգարում։ Մինչ այս՝ ղարաբաղցիներն են էին խանգարում, նախկիններն էին խանգարում, ՌԴ-ն էր խանգարում, հիմա էլ Սահմանադրությունն ու Անկախության հռչակագիրը։ Սա խելագարություն է։ Սա աղանդավորականների ու քաղաքական դավաճանների խումբ է»։

Աղբյուր` Փաստինֆո