Փաստ ինֆո

ԱԺ «Հայաստան» խմբակցության պատգամավոր Քրիստինե Վարդանյանը ՔՊ-ի առաջ քաշած «իրական Հայաստան»-ը այլանդակ է որակում։ Աժ-ում իր ելույթը ընթացքում Վարդանյանն անդրադարձավ նախագահի և վարչապետի աշխատակազմերին հատկացվող միջոցներին։

« 2025 թ-ին նախագահի աշխատակազմին հատկացվել է 1 մլրդ 258 մլն դրամ և վարչապետի աշխատակազմին 24 մլրդ 365 մլն դրամ։ Որպեսզի մեր քաղաքացիները պատկերացնեն էս ինչ է նշանակում, սա նշանակում է, որ որ դուք, սիրելի քաղաքացիներ, դուք ունեք ամենաթանկ վարձատրվող մշակութային գործիչը, դաշնակահար, որը մեկ- մեկ շնորհավորական բացիկներ է գրում ու իր համար դուք ամեն օր վճարում եք 11 000 դոլար, որ այդ մարդը գնա՝ նկարվի հուղարկավորություններին ու շնորհավորական բացիկներ գրի»։

Անդրադառնալով վարչապետի աշխատակազմին՝ պատգամավորը նշեց, որ նրա աշխատակազմի համար ՀՀ քաղաքացիները ամեն օր վճարում է 166 000 դոլար։ «Ու էս այն համատեքստում է հետաքրքիր, որ 2018-ին համատեղ նախագահի ու վարչապետի աշխատակազմերի բյուջեները համատեղ շուրջ 8 մլրդ դրամի կարգի էր։ Այսինքն, 4 անգամ ավելացրել է այն ուժը, որը առնվազն 2 նախարարություն է փակել՝ սփյուռքի նախարարությունը և գյուղատնտեսության նախարարությունը, օպտիմալացման նպատակով։ Մարդիկ նենց են օպտիմալացրել, որ ծախսերը 8 անգամ աճել են։ Դրա համար տաղանդ է պետք ունենալ»։

Այնուհետև, Վարդանյանն անդրադարձավ հանցավորության աճին՝ ընդգծելով, որ 2018-22 թթ հանցագործություններն աճել են 66 տոկոսով։ «Որպեսզի հասկանաք, որ սա բացառապես ձեր կառավարման մեղքն է, պետք է իմանաք, որ ձեզանից առաջ 5 տարում աճը ընդամենը 11 տոկոս է եղել, թմրամիջոցների հետ կապված հանցագործությունները աճել են 140 տոկոսով։ Ծանր հանցագործությունների մասին չեմ խոսում, օրը մեջ մայրաքաղաքում զենքի կիրառմամբ հանցագործություն է տեղի ունենում, ոստիկանությունը գիտե՞ք ում է բռնում, տապալում գետնին, ձերբակալում՝ թռուցիկ բաժանող երիտասարդներին ու մեքենայում հայտնաբերվում է մասսայական ոչնչացման զենքը՝ թռուցիկը, բրավո»,-ասաց պատգամավորը։

Անդրադառնակոլ իրական և պատմական թեզին՝ ընդգծելով, որ Փաժշինյանը չի կարող նշել մի ադեկվատ քաղաքական գործչի, որը երբևէ ասել է, որ պետք է Երևանը թողնենք, գնանք Վանում ապրել։

«Նիկո՛լ Փաշինյան, դուք ուղղակի գիտեք, որ մեր ժողովրդի մի մասը Թուրքիայից ու Ադրբեջանից շարունակում է վտանգ զգալ, ուղղակի ձեր ծրագիրը քողարկում եք այդ բանավեճի մեջ։ Իրականում միակ քննարկման առարկան հետևյալն է, արդյոք Թուրքիան և Ադրբեջանը շարունակում են սպառնալիք ներկայացնել Հայաստանի համար, թե ոչ, ինչ ենք անում մենք այդ սպառնալիքը վերացնելու համար։ Դուք պարզապես Թուրքիային ու Ադրբեջանին մեր պրոտեկտորատ, մեր անվտանգության երաշխավոր սարքելը փաթեթավորել եք «իրական Հայաստան» անիրատեսական տերմինի ներքո»,- ԱԺ-ում այս մասին հայտարարեց նա։

Վարդանյանի խոսքով՝ աշխարհում մեկ պետություն կա, որ մեր ազգին ցեղասպանել է՝ Թուրքիան է, աշխարհում մեկ պետություն կա, որ բազմաթիվ անգամներ հարձակվել է Արցախի ու Հայաստանի վրա՝ Ադրբեջանն է։

«Հայ ժողովրդին գոյաբանական սպառնալիք դեռևս շարունակում են ներկայացնել այս երկու պետությունները։ Ձեր «իրական Հայաստան»-ը, կներեք, շատ այլանդակ տեսք ունի»,- հավելեց Վարդանյանը։

Աղբյուր` Փաստինֆո