Փաստ ինֆո

«Մայր Հայաստան» դաշինքի առաջնորդ Անդրանիկ Թևանյանը հայտարարել է քաղաքային տրանսպորտի թանկացման դեմ ստորագրահավաք սկսելու մասին։ «Մեր ստորագրահավաքն աննախադեպ է, որովհետև ունի իրավական հետևանքներ, Երևանի ավագանու կանոնակարգի համաձայն դիմել ենք քաղաքապետարան, վերցրել ձևաթուղթը։ Ավագանու կանոնակարգի համաձայն, եթե Երևանում ընտրական իրավունք ունեցողների 1% -ը ստորագրի, ապա այն նախագիծը, որը ներկայացրել էինք ու մերժվել էր, իրավունքի ուժով կմտնի ավագանու նիստի օրակարգ։ Քաղաքացիների 1% -ն արդեն 8000-ից ավելին է», - այսօր ասել է Անդրանիկ Թևանյանը։ Նա նշեց, որ եթե քաղաքային իշխանությունները հազարավոր մարդկանց ստորագրությունները հաշվի չառնեն և որոշեն կրկին մերժել ընդդիմության ներկայացրած փաթեթն, ապա դա արդեն այլ խնդիր է։

Թևանյանը հիշեցրեց, որ «Մայր Հայաստանի»-ի ներկայացրած նախագծում տրանսպորտի գինը մնում էր նույնը, փոխարենը առաջարկվում են փաթեթներ, որոնք հնարավորություն կտան քաղաքացուն երթևեկել էլ ավելի էժան՝ բազմակի օգտվելու դեպքում, ինչը քաղաքային իշխանությունները մերժել էին։

Աղբյուր` Փաստինֆո