Փաստ ինֆո

ՀՀ ԱԺ Պաշտպանության և անվտանգային հարցերով մշտական հանձնաժողովի նախագահ Անդրանիկ Քոչարյանն այսօր կրկրին դյուրագրգիռ արձագանքեց իր վարքագծի քննարկումների վերաբերյալ լրագրողների հարցերին:

Մասնավորապես` լրագրողները փորձեցին հենց Ա.Քոչարյանից պարզել, թե արդյո՞ք «ՔՊ» վարչության նախորդ նիսում քննարկվել է իր հարցը։ «Ի՞նչ է նշանակում Ձեր հարցը, եթե հացը բարձրացված է կարելի է և քննարկել»,- ասաց Քոչարյանը, ու խուսափեց ասել` կա նման հարց, թե ոչ:

«Ես այդպիսի տեղեկություն չունեմ։ Աղբյուրը պետք է գտնեք», - ասաց Քոչարյանն ու պատասխան հարցով դիմեց «Ազատութուն» ռադիոկայանի թղթակցին`«Կարո՞ղ եք հրապարակել Ձեր աղբյուրը»:

Ստանալով բացասական պատասխան` Քոչարյանը մեղադրեց լրատվամիջոցին ստելու մեջ։

Հիշեցնենք, որ «Ազատություն» ռադիոկայանն էր ավելի վաղ, վկայակոչելով իր տեղեկություններին, հայտնել, որ ՔՊ մի շարք գործիչներ դժգոհություններ ունեն Անդրանիկ Քոչարյանից ու պատրաստվում են նրա վարքագծի հարցը քննարկման առարկա դարձնել:

Աղբյուր` Փաստինֆո