Փաստ ինֆո

Ինչ-որ իմաստով՝շոկի մեջ եմ, իմ վատ երազում էլ չէի տեսնի, չէի պատկերացնի, որ մեր Ազգային ժողովը կարող է գերիների հարցը դարձնել ոչ միայն իմ ու քո հարց, այլ մերժի ուղղակի։ Այսպես կարող էր լինել Միլի մեջլիսում: Այս մասին ԱԺ-ում լրագրողների հետ զրույցում ասաց «Հայաստան» խմբակցության պատգամավոր Արմեն Ռուստամյանը՝ անդրադառնալով «Ադրբեջանում պահվող հայ ռազմագերիների վերաբերյալ» ԱԺ հայտարարության նախագծի տապալմանը ՔՊ-ի կողմից:
«Ունենք մի իրավիճակ, որ ռազմագերիների հարցև որ մեր արժանապատվության հարցն է, անգամ մարդկանց լեզուն պտտվում է ասի՝ «ընդդիմությունը դա անում է՝ թքած ունենալով նրանց ճակատագրի վրա»։

Այնտեղ մեր մոտիկ ընկերներն են, մեր Գեղամ Մանուկյանը ուրեմն թքած ունի՞ իր եղբոր ճակատագրի վրա։ Ես թքա՞ծ ունեմ մեր Բյուրոյի ընկերոջ՝ Դավիթ Իշխանյանի ճակատագրի վրա։ Լավ, կարելի՞ է այդ աստիճանի անամոթ հայտարարությունել անել»։
Նա ընդգծեց, որ ստացվում է, որ մերնք չունենք կառավարություն և խորհրդարան։
«Իմ մոտ արդեն խորանում է այն տպավորությունը, որ մեր իշխանությունները պատանդ են Ադրբեջանի իշխանությունների ձեռքին։ Սրանք հայտնվել են Ադրբեջանի իշխանությունների շանտաժի տակ, միգուցե վախենո՞ւմ են հայտարարություն անել։ Նրանք սպասարկում են Ադրբեջանի շահերը։ Այս ամենը հնարավոր չէ այլ կերպ մեկնաբանել»,- նշեց նա։

Աղբյուր` Փաստինֆո