Փաստ ինֆո

2024 թվականի նոյեմբերի 19-ի ավագանու նիստի 20 նախագծերից 20- էլ չզեկուցվող է: Այս մասին ֆեյսբուքյան իր էջում ուղիղ եթերի ընթացքում հայտարարել է Երևանի ավագանու «Մայր Հայաստան» խմբակցության անդամ Մեսրոպ Մանուկյանը:

«Ուզում եմ հասկանալ՝ այդ դեպքում էլ ինչի համար ենք մենք հավաքվելու: Բայց ես կարծում եմ, որ չի լինելու 20 հարց, ավելի շատ հարցեր են լինելու: Իրենք վերջին պահին բերում, օրակարգում խցկում են մի քանի վիճահարույց հարցեր, որոնցից մի քանիսը կլինի զեկուցվող, բայց դա կլինի հրատապ հարցերի շրջանակում: Ստացվում է, որ ավագանին հնարավորություն չի ունենում հարցերին ծանոթանալ և կարծիք արտահայտել»,-ասաց նա։

Մանուկյանի դիտարկմամբ՝ չզեկուցվող հարցերի մեջ է, օրինակ, բյուջեի վերախմբագրման հարցը, ըստ որի փոխվում են ծախսերը, ինչը շատ կարևոր է:

Օրինակ, ըստ Մանուկյանի, որոշվել է «Երևան ավտոբուս» ՓԲԸ-ին լրացուցիչ 1 մլրդ դրամ հատկացնել:

«Իրենք չեն ուզում, որ սա զեկուցվող լինի, որ չհասկանանք, թե այդ ինչքա՞ն էիք նախատեսել, որ հիմա էլ մեկ մլրդ ավելացնում եք: Տղերք, այդ մեկ միլիարդը որտեղի՞ց եք վերցրել, որ համալրում եք «Երևան ավտոբուսի» բյուջեն: Կամ ո՞վ էր պլանավորողը, որ տարվա սկզբին չէր կարողանում ճիշտ պլանավորել, որ տարվա վերջին նոր որոշում են ավելացնել ծախսը»,- նշեց նա։

Աղբյուր` Փաստինֆո