Փաստ ինֆո

Հայաստանում տնտեսական աճի ու ակտիվության տեմպերը շարունակում են բարձր մնալ։ Այս մասին ԱԺ-ում 2025 թ-ի բյուջեի նախագիծը ներկայացնելիս ասաց Ֆինանսների նախարար Վահե Հովհաննիսյանը:

Այս տարվա առաջին կիսամյակում գրանցվել է 6,5 տոկոս տնտեսական աճ, իսկ հունվար-հուլիսին` 9,6 տոկոս տնտեսական ակտիվության ցուցանիշի աճ:

«Այս պայմաններում 2024 թվականին տնտեսական աճը կանխատեսվում է 5.8 տոկոս, իսկ 2025 թվականին` 5,6 տոկոս»,- ասաց նա:

Հովհաննիսյանի խոսքով` տնտեսության ներուժային աճը նախկին 4-4,5 գնահատված միջակայքից աճել է` հասնելով 5-5,5 միջակայքի:

«Տնտեսական աճն ու անվտանգության բարձր զգացումը պետք է հետ պտտեն արտագաղթի անիվը»,- ասաց նա:
Նա նաև հայտնել է, որ ամենաէական հատկացումներն արվելու են ՀՀ պաշտպանունակությունը բարձրացնելու ուղղությամբ։ «2025 թ. բյուջեի նախագծով նախատեսվում է ՊՆ-ին հատկացնել ավելի քան 664,7 մլրդ դրամ, որը 2024 թ. համեմատ 110 մլրդ դրամով ավելի է։ Շարունակվելու են ՀՀ ԶՈՒ պահպանման, տեխնիկական հագեցվածության ապահովման, բանակի մարտունակության և կենսապահովման բավարարման ծախսերը։ Եթե մեկ նախադասությամբ ձևակերպենք ՀՀ բյուջեն՝ մենք բարձրացնում ենք ՀՀ անվտանգությունը, որպեսզի կառուցենք դպրոցներ ու շեշտակի բարելավենք կրթական համակարգը»,- ասաց Վահե Հովհաննիսյանը:

Աղբյուր` Փաստինֆո