Փաստ ինֆո

Իշխանությունը որևէ բան չուներ ասելու գերիների հարցով հայտարարության տեքստի հետ կապված, հիմնական զեկույցի, այն ընթացակարգերի հետ կապված, որ հայտարարությունն անցել էր։ Այս մասին ԱԺ-ում լրագրողների հետ զրույցում ասաց «Պատիվ ունեմ» խմբակցության քարտուղար Տիգրան Աբրահամյանն՝ անդրադառնալով Ադրբեջանում պահվող ռազմագերիների վերադարձի վերաբերյալ հայտարարության քվեարկությանը ՔՊ-ի չմասնակցելուն։

«Իշխանությունն ուներ քաղաքական որոշում դեմ քվեարկելու հայտարարությանը և այս պարագայում դա արտահայտվեց չքվեարկելուվ, քանի որ քվեարկությանը չմասնակցելը, ըստ էության դեմ քվերակել էր։

Այն պարագայում, երբ Ադրբեջանը COP 29-ին ընդառաջ իր բառապաշարը հռետորաբանությունը Հայաստանի նկատմամբ կոշտացնում է, վերահաստատում է իր նախապայմանները խաղաղության պայմանագրի ստորագրման համատեքստում, և գերիների ու ռազմագերիների թեման բարձրաձայնվում է միջազգային ատյաններում, տարբեր մակարդակներում ամբողջ աշխարհից կոչեր են հնչում, մինչդեռ Հայաստանի իշխանությունների խմբակը տապալում է այդ թեմայով հայտարարությունը»,-ասաց նա՝ ընդգելով, որ սա պայմանավորված է այն երկչոտությամբ, անսահման զիջողականությամբ, որ այս իշխանությունը դրսևորում է 44-օրյա պատերազմից հետո։

«Ադրբեջանը անընդհատ ընդլայնում է Հայաստանի դեմ շանտաժի և սպառնալիքների զինանոցը , իսկ ՀՀ իշխանությունը գնում է զիջումների, սա հերթական զիջումն էր։ Սա Ադրբեջանի համար զիջում է, նվեր է՝ արտաքին աշխարհում, տարբեր կառույցներում ի ցույց դնելու ՀՀ իշխանությունների այս մոտեցումը»։

Աղբյուր` Փաստինֆո