Փաստ ինֆո

Ասում եք՝ հայկ վճարողը հերոս է և պետք է վերագնահատենք հերոսության մասին մեր պատկերացումները, ի՞նչ է դա նշանակում, որովհետև ո՞վ է հարկ վճարողը, մարդը փող է աշխատում, եկամուտ է ստանում, դրա մի մասից էլ հարկ է վճարում։ Դուք ե՞րբ հասկացաք, որ տաքուկ աշխատասենյակում նստած եկամուտ ստացող, դրա մի մասից հարկ վճարող քաղաքացին և սահմանին շոգին, ցրտին, սառնամանիքին կանգնած զինվորը նույն հերոսներն են։ Այս մասին ԱԺ-ում հարցրեց «Հայաստան» խմբակցության պատգամավոր Ագնեսա Խամոյանը՝ ընդգծելով, որ ֆինանասների նախարարի ելույթը «ազատ շարադրություն էր հիշեցնում»։

Ֆինանսների նախարար Վահե Հովհաննիսյանը պատասխանեց, որ իր պատասխանը նույն «ազատ ոճի շարադրության» պես է լինելու։ «Հերոսությունը կապված է անձնազոհության հետ, տաք սենյակում նստելը չի նշանակում անձնազոհություն չունենալ, այսինքն, անձնազոհությունը միայն սահմանին կանգնելը չէ, անձնազոհությունը կարող է տարբեր դրսևորումներ ունենալ։

Ես ոչ թե ասում էի, որ հերոս են, այլ հռետորական հարց էի տալիս, այդ մարդիկ հերո՞ս են, թե ոչ, որովհետև այդ մարդկանց գործողությունների մեջ կարող ենք տեսնել անձնազոհության տարրեր, դուք կարող եք, որոշել, որ հերոս չեն, ես կարող եմ որոշել որ հերոս են։ Դա անձնական մոտեցման հարց է»,-ասաց Հովհաննսյանը։

Աղբյուր` Փաստինֆո