Փաստ ինֆո

Գինեկոլոգ, բժշկական գիտությունների դոկտոր, պրոֆեսոր Մեկան Օրազովը նախազգուշացրել է, որ կանանց լիբիդոյի վրա կարող են ազդել առողջական խնդիրները: Դրանք բժիշկը բացահայտել է Psychologies պարբերականի հետ զրույցում։

Օրազովը հայտարարել է, որ կինը կարող է կորցնել հետաքրքրությունը սեքսի նկատմամբ էնդոմետրիոզի պատճառով, հիվանդություն, որի դեպքում արգանդի ներքին լորձաթաղանթի հյուսվածքները աճում են դրա սահմաններից դուրս: Այս պաթոլոգիան, ինչպես բացատրեց բժիշկը, հրահրում է կիստաների և ցավերի առաջացում, ներառյալ ինտիմ մտերմության ժամանակ, ինչը անխուսափելիորեն ազդում է լիբիդոյի վրա:

Առողջության հետ կապված մեկ այլ խնդիր, որը սեքսի նկատմամբ հետաքրքրության կորուստ է առաջացնում, Օրազովն անվանել է ձվարանների պոլիկիստոզը: Նա նշել է, որ Առողջապահության համաշխարհային կազմակերպության տվյալներով՝ այս պաթոլոգիան հանդիպում է վերարտադրողական տարիքի կանանց 8-13 տոկոսի մոտ, այն նաեւ անպտղության գլխավոր պատճառներից մեկն է։ «Այս հիվանդության ախտանշանների թվում են ակնեն, մարմնի քաշի ավելացումը, տղամարդկային տիպի ճաղատությունը, եւ այս ամենը բացասաբար է ազդում սեփական մարմնի ընկալման վրա։ Եվ որտեղի՞ց լինի բարձր լիբիդո, եթե հայելու մեջ արտացոլումը սարսափ և արցունքներ է առաջացնում»,- կարծում է գինեկոլոգը:

Վերջապես, անհանգստությունն ու դեպրեսիան կարող են բացասաբար ազդել կանանց սեքսուալության վրա, նախազգուշացրել է բժիշկը: Նրա խոսքով՝ նյարդային գերլարվածությունը, նույնիսկ եթե այն ուղղված չէ ինտիմ կյանքին, միշտ ազդում է ցանկության վրա։ Նվազեցնել լիբիդոն կարող են նաեւ որոշ հակադեպրեսանտներ, ինչն ապացուցված է բազմաթիվ գիտական հետազոտություններով, հավելել է գինեկոլոգը:

Աղբյուր` Փաստինֆո