Փաստ ինֆո

Դ․ Թրամփի օրոք սանձազերծվեց 44-օրյա պատերազմը և Թրամփի վարչակազմը մեծ ուշադրություն չէր դարձնում Հայաստանում տեղի ունեցող իրադարձություններին, որից էլ օգտվեց Ալիևի ռեժիմը։ Պետք է ընդունել, որ Դ․ Թրամփի օրոք օկուպացվեց Արցախը և Արցախից մի փոքր մաս մնաց։ «ՓաստԻնֆոյի» եթերում ասել է «Հայրենիք» կուսակցության խորհրդի անդամ, քաղաքագետ, պրոֆեսոր Խաչիկ Գալստյանը։

Բանախոսի դիտարկմամբ, Դ․ Թրամփի դեպքում սորոսականների հնարավորությունները Հայաստանում մի փոքր կպակասեն։ Կարելի է մի վարկած առաջ քաշել, որ Ամերիկայում այս ընտրությունները Ամերիկայի քաղաքական դեմքին փրկությանն էին ուղղված։ Ուկրաինական ճգնաժամում հանգուցալուծում չգտնելը՝ փաստացի Ջ․ Բայդենի վարչակազմի պարտությունն էր, և, դեմքը փրկելու համար տեղի ունեցան այս ընտրությունները։ Ե՛վ ժողովրդավարության ապացաույց է, և՛ սեփական դեմքի փրկության ապացույց է, որ Ամերիկան աստիճանաբար դուրս գա այս խաղից և չֆինանսավորի ուկրաինական ռեժիմին։

Անդրադառնալով Դ․ Թրամփի հնարավոր քաղաքականությանը, պրոֆեսորը նշեց, որ, որսպես էսցենտրիկ քաղաքական լիդեր՝ Թրամփը «չարիքի առանցք»-ի ամենաթույլ օղակին է հարվածելու։ Իր վարկանիշը բարձրացնելու համար Դ․ Թրամփը կհարվածի ամենաթույլ երկրին, իսկ այս պարագայում Դ․ Թրամփի թիրախ կարող է դառնալ Եվրոպան։ Ռուս-ուկրաինական հակամարտությունից ամենաշատ կորուստները Եվրոպան կրեց։ Ամերիկան ինչ-որ պահի կմեկուսանա սեփական խնդիրները լուծելու նպատակով։

COP29-ի առնչությամբ քաղաքագետը նշեց, որ COP29-ի ինֆորմացիոն ալիքը ուռճացված էր, սպասվում էր համաշխարհային լիդերների հանդիպում Բաքվում, սակայն Ի․ Ալիևի ակնկալիքները ինչ-որ առումով չարդարացան, որովհետև շատ երկրներ առաջին դեմքի մակարդակով մասնակցություն չունեցան։ COP29-ը Ադրբեջանը կօգտագործի Ադրբեջանի տնտեսությունը դիվերսիկացնելու համար։

Մանրամասները՝ տեսանյութում։

Աղբյուր` Փաստինֆո