Փաստ ինֆո

2025 թ-ի կապիտալ ծախսերը կկազմեն 735 մլրդ դրամ, դրանք 5.4 տոկոսով կգերազանցեն 2024 թ-ի կապիտալ ծախսերտ։ Այս մասին ԱԺ-ում հայտնեց Ֆինանսների նախարար Վահե Հովհաննսյանը՝ ընդգծելով, որ կապիտալ ծախսերի շուրջ 56 տոկոսը ուղղվելու է պաշտպանության ոլորտին։

«Պաշտպանության ոլորտի ծախսերը կկազմեն 664 մլրդ դրամ, դրանք 20 տոկոսով կգերազանցեն 2024-ի պետական բյուջեի պաշտպանության ծախսերը։ ՀՆԱ-ում այդ ծախսերը կհասնեն 6 տոկոսի, որը բավականին բարձր է նարխորդ տարիների համեմատած։

Պաշտպանությանն ուղղվող ծախսերի ավելացումն ամենաէականն ու ամենամեծն է ամբողջ բյուջեում»,-ասաց նախարարը։
Հաջորդը սոցիալական պաշտպանությանն ուղղվող ծախսերն են, ծասերի մակարդակը կազմում է 905 մլրդ դրամ դրանք շուրջ 14 տոկոսով կգերազանցեն 2024 թ-ի սոցիալական պաշտպանության ծախսերը։ «Ծախսերի հիմնական մասն ուղղված է կուտակային կենսաթոշակին ուղղվող ծախսերին։

Կրթությանն ուղղվող ծախսերը կկազմեն 300 մլրդ դրամ, ինչը 4.5 տոկոսով ավելի է 2024 թ-ի բյուջեից։

«Ֆինանսների նախարարությունում հատկացումների աճը կավելանա 13 տոկոս, ԲՏԱ նախարարությունում ՝ 89 տոկոս, ԿԳՄՍ նախարարությունում՝ 4.7 տոկոս, ՆԳՆ՝ 15 տոկոս, ԱԱԾ՝ 17 տոկոս, ՊԵԿ՝ 6 տոկոս, ՊՊԾ՝ 28.7 տոկոս, ՔԿ՝ 8.7 տոկոս։
Ֆինանսական հատկացումների նվազեցումներ են եղել Տարածքային կառավարման նախարարությունում՝ շուրջ 6 տոկոս, էկոնոիկայի նախարարության հատկացումները նվազել են 12 տոկոսով, առողջապահության նախարարությանը՝ 3 տոկոսով, վիճակագրական կոմիտեինը՝ 50 տոկոսով, ԲԴԽ-ինը՝ 9.5 տոկոսով, քաղաքաշինության կոմտեինը՝ 35.5 տոկոսով»։

Հովհաննիսյանը նշեց, որ ֆինանսների նախարարությունը, Կենտրոնական բանկը և միջազգային գործընկերները համակարծիք են, որ վերջին տարիներին տնտեսական աճի պոտենցիալն ավելացել է, 2025 թ-ին այդ պոտենցիալը կկազմի 5.4 տոկոս, նախորդ տարիներին միջինում այդ պոտենցիալը կազմել է 4.5 տոկոս։ «Հաջորդ տարի տնտեսական աճը պլանավորվում է 5.6 տոկոս, անվանական ՀՆԱ-ն կկազմի 11 տրիլիոն 50 մլրդ դրամ։

Տնտեսական աճը 2025 թ-ին պայմանավորված կլինի հիմնականում ներքին պահանջարկով։ Դեֆիցիտը կկազմի 5.5 տոկոս։ Արտաքին պարտքը կաճի և կհասնի 53.5 տոկոս, սակայն կարծում ենք տարբեր ռիսկերի նյութականացման պարագայում մենք կմնանք 60 տոկոսից ցածր մակարդակում։ Հարկեր /ՀՆԱ ցուցանիշը տարեվերջին կհասնի 25 տոկոսի, 2024-ին պլանավորված էր, որ այս ցուցանիշը կհասնի 24.9 տոկոսի»,-հայտնեց նախարարը։

Աղբյուր` Փաստինֆո