Փաստ ինֆո

Հայաստանի քաղաքացիների 64 տոկոսը չի հավատում, որ մինչև տարեվերջ կունենաք Խաղաղության պայմանագիր։ GALLUP International Association»-ի Հայաստանում լիիրավ անդամ Էմ «Փի ՋԻ» ՍՊԸ տնօրեն Արամ Նավասարդյանը այսօր լրագրողների հետ զրույցում ներկայացնելով հոկտեմբերի 24-30-ը 1100 քաղաքացիների շրջանում հեռախոսազանգերի միջոցով իրականացրած հերթական հետազոտության արդյունքները՝ նշեց, որ հարցվածների միայն 25 տոկոսն է կարծում, որ հավանական է, որ մինչև տարեվերջ մենք կունենաք այդ պայմանագիրը, 23.4 տոկոսն այս հարցն պատասխանել է ավելի շուտ ՝ ոչ, ևս 41.2 տոկոսը կարծում է, որ միանշանակ ոչ։

Հարցվածների 90 տոկոսը բացասական պատասխան է տվել հարցին, թե Հայաստանը պե՞տք է գնա նոր զիջումների՝ Ադրբեջանի և Թուրքիայի հետ ավելի սերտ հարաբերություններ հաստատելու համար։ Քաղաքացիների գերակշիռ մեծամասնությունը կարծում է, որ մենք այլևս ոչինչ չունենք զիջելու, 7 տոկոսը՝ պատասխանել է՝ այո, մենք այլընտրանք չունենք, իսկ 3 տոկոսը դժվարացել է պատասխանել այդ հարցին։

Միաժամանակ, հարցվածների 72-73 տոկոսը բացասական են վերաբերվում Սահմանադրական դատարանի որոշմանը, որով Սահմանադրական դատարանը Անկախության հռչակագրում Արցախի հիշատակումը իրավական ուժ չունեցող համարեց։ Հարցվածների միայն 5 տոկոսն է այդ որոշումը լիովին դրական համարում, 9.8 տոկոսը պատասխանել է՝ ավելի շուտ դրական։ Ավելի շուտ՝ բացասական ՝ պատասխանել է 21.3 տոկոսը և 51.5 տոկոսը՝ ընդհանրապես բացասական։
Քաղաքացիների 52 տոկոսը չի հավատում, որ Հայաստանը Ուկրաինայից և Մոլդովայից ավելի շուտ ԵՄ-ին անդամակցելու շանսեր ունի։

Հարցին 13 տոկոսը դժվարացել է պատասխանել, իսկ 35 տոկոսը նշել է, որ այո, նման շանսեր ՀՀ-ն ավելի շատ ունի։

Աղբյուր` Փաստինֆո