Փաստ ինֆո

Միասնական տոմսային համակարգը կապ չուներ Երևանի Մետրոպոլիտենում նոյեմբերի 1ին տեղի ունեցած կուտակումների հետ, - Երեւանի քաղաքապետարանում տեղի ունեցած խորհրդակցության ժամանակ հայտարարել է Երեւանի քաղաքապետ Տիգրան Ավինյանը՝ նշելով, որ դա շարժակազմի խնդիր է

Նշենք, որ կուտակումերը վկայող լուսանկարներն ու տեսանյութերը նոյեմբերի 1-ին հեղեղել էին ֆեյսբուքի հայկական տիրույթը։
«Տեսանյութերում տեսնում ենք մեծածավալ կուտակումներ հենց մետրոյի վագոնի մուտքի մոտ, որը բացարձակ կապ չուներ միասնական տոմսային համակարգի հետ, բայց մեկ այլ խնդրի մասին էր վկայում, որ նոր շարժակազմերի կարիք ունենքՊիկ ժամերին ունենում ենք այդ կուտակումները, որը միասնական տոմսային համակարգի հետ որևէ կապ չուներ»,- ասաց նա՝ ավելացնելով, որ այժմ ևս մեկ շարժակազմ են սկսում շահագործել։

Դառնալով միասնական տոմսային համակարգին՝ Ավինյանը նշեց, թե յուրաքանյուր փոփոխություն իր բարդություններով է ընթանում, բայց որոշակի ժամանակի ընթացքում այդ բարդությունները մ հաղթահարվում են։ «Վստահ եմ՝ այս համակարգի անցումն այդպիսի ճանապարհ է լինելու, մետրոպոլիտենում խնդիրը լուծված է, կուտակումներ չունենք անցարգելների մոտ, էական կուտակումներ չունենք մետրոյի մուտքի մոտ, բայց ունենք արդեն այլ խնդիրներ, որ պետք է լուծենք»,- նշեց քաղաքապետը:

Մետրոպոլիտենի տնօրեն Բաբկեն Սեդյանը հայտնեց, որ 2022 թ.ից արդեն 12 վագոն հիմնավոր նորոգվել է, ինչին արձագանքելով Ավինյանը նշեց, որ այդ աշխատանքները պետք է շարունակվեն։

Աղբյուր` Փաստինֆո