Փաստ ինֆո

Կարծում եմ՝ Գյումրիում իրավիճակը կհանգուցալուծվի ընտրություններով։ Այս մասին ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը։

«Հավանաբար ընտրությունները կլինեն տարեսկզբին կամ տարեվերջին։ Իմ ընկալմամբ՝ գարնան կողմ ամենաճիշտ տարբերակն է, բայց այդ մաով որոշում դեռ չունենք»։

Հարցին, թե ով է ՔՊ-ի թեկնածուն՝ Սիմոնյանն ասաց, որ Կարեն Սարուխանյանն է իրենց թեկնածուն։ «Մեր ցուցակը կգլխավորի Կարեն Սարուխանյանը»։

Հարցին, թե ինչու գնացին Գյումրիում իշխանազավթման՝ նա պատասխանեց. «Իշխանազավթում, երբ տեղի էր ունենում՝ չի կարող դա զուգորդվի ժողովրդի ազատ կամքի արտահայտման հետ։ Կոալիցիան, որ կար Գյումրիում չէր աշխատում և մենք լուրջ խնդիր ունեինք իրացնելու մեր մանդատը, դրա համար խզեցինք կոալիցիան, դրանից հետո մանդատ վայր դնելը «Բալասանյան դաշինքի որոշումն է. հավանաբար կարծում են, որ դա ավելի ճիշտ տարբերակ է, չգիտեմ»,-ասաց նա ընդգծելով, որ կարծում է, որ շատ վատ է, որ «Բալասանյան դաշինքը» վայր է դրել մանդատը։ «Դա շատ վատ որոշում է»։

Աղբյուր` Փաստինֆո