Փաստ ինֆո

ՀՀ քաղաքացու կապույտ անձնագիր ունեցող մի քանի տասնյակ քաղաքացի խոշտանգվում է Ալիեւի բռնապետության կողմից, բայց Հայաստանի իշխանությունները ոչ մի քայլ չեն ձեռնարկում։ Այսօր տեղի ունեցած ակցիայի ժամանակ հայտարարել է ՀՀ ԱԺ «Հայաստան» խմբակցության պատգամավոր ԱՆնա Գրիգորյանը։

Ինչպես արդեն հայտնել ենք՝ այսօր ՄԱԿ-ի շենքի մոտ ակցիա է տեղի ունեցել՝ պահանջելով գործուն քայլեր ձեռնարկել Բաքվում գտնվող հայ ռազմագերիներին հետ վերադարձնելու ուղղությամբ։

«Նայ՛եք, թե ինչ է գրված ՀՀ քաղաքացու անձնագրի վերջին էջում, որ այն անձը, որն ունի այս անձնագիրը, գտնվում է ՀՀ հովանու ներքո,բայց այսօր արդեն 4 տարի է, տասնյակ մեր հայրենակիցներ չեն գտնվում ՀՀ-ի՝ դեմս այս իշխանությունների, պաշտպանության ներքո, ոչ միայն պաշտպանության ներքո, այլև տարրական ուշադրության չեն արժանանում»,- նշել է պատգամավորը եւ ընդգծել, որ Ալիևի բռնապետությունն իրականացնում է խոշտանգումներ, բազմաթիվ իրավապաշտպաններ խոսում են այդ մասին, ինչը լռության է մատնվում ՀՀ այս իշխանությունների կողմից։

«Բաքվում գտվող հայերի հարցը միայն իրենց խնդիրը չէ, դա մեզանից յուրաքանչյուրի, աշխարհում ապրող 10 մլն հայի արժանապատվության խնդիրն է ։ Այսօր մեր պահանաջը շատ հստակ է՝ «COP29» -ով Ադրբեջանը փորձելու է լվալ ձեռքերը որպես ցեղասպան պետություն, փորձելու է մաքրել իր դեմքը էթնիկ զտումից և դա պետք է թույլ չտալ։ Ցանկացած միջազգային գործընկեր, որը գնալու է Բաքու,պետք է հստակ իմանա, որ ինքը գտվելու է մի երկրում, որտեղ պատանդառված են մարդիկ, որովհետեւ հայ են, իրենք պետք է պահանջեն, որ ազատ արձակվեն մեր ռազմագերիները»,- ասել է Գրիգորյանը։

Մանրամասները՝ տեսանյութում։

Աղբյուր` Փաստինֆո