Փաստ ինֆո

Պերիմենապաուզայի ամենատարածված ախտանշաններից մեկը հեշտոցում չորությունն է, պատմել է «Medical On Group Պոդոլսկ» կլինիկայի մանկաբարձ-գինեկոլոգ Ինեսսա Սահակյանը: Բժիշկն այս տհաճ վիճակից ազատվելու ուղիները նշել է «Лента.ру»-ի հետ զրույցում:

Դաշտանադադարի ժամանակ հորմոնալ ֆոնը վերադասավորվում է, նվազում է արյան մեջ էստրոգենի մակարդակը, ինչը կարող է ինտիմ հատվածում չորություն առաջացնել, ասել է Սահակյանը: Սա կարող է հանգեցնել անհարմարության, ցավի սեռական հարաբերությունների ընթացքում և նույնիսկ կրկնվող բորբոքումների և վարակների զարգացման:

Բայց այս խնդիրը հաղթահարելու ուղիներ կան, վստահեցրել է բժշկուհին: Այսպիսով, նա խորհուրդ է տվել կանանց օգտագործել քսանյութեր և հեշտոցային խոնավացուցիչներ: «Ջրի մեջ լուծվող քսանյութերի օգտագործումը կարող է զգալիորեն թեթեւացնել անհարմարավետությունը մտերմության ընթացքում, քանի որ դրանք նվազեցնում են շփումը: Խոնավացուցիչներից կարելի է մշտապես օգտվել ինտիմ հատվածում անհրաժեշտ խոնավության մակարդակը պահպանելու համար»,-նշել է մանկաբարձ-գինեկոլոգը։

Որոշ կանանց պերիդաշտանադադարի եւ դաշտանադադարի շրջանում կարող են հորմոնալ թերապիա նշանակել, հավելել է Սահակյանը։ Ամենաարդյունավետ միջոցներն են հորմոն պարունակող միջոցները՝ քսուքները, մոմիկները, ինչպես նաև համակարգային հորմոնալ թերապիան, որն օգնում է ոչ միայն չորության, այլև այլ ախտանիշների դեպքում:

Բժիշկը նաև խորհուրդ է տվել նրանց, ովքեր բախվել են այս խնդրին, կարգավորել կենսակերպը՝ ինտիմ հատվածում տհաճ զգացողությունները նվազեցնելու համար։ Նա խորհուրդ է տվել ավելի շատ ջուր խմել, ընդունել բժշկի նշանակած բիոհավելումներն ու վիտամինները, պարբերաբար զբաղվել ֆիզիկական ակտիվությամբ։

Աղբյուր` Փաստինֆո