Փաստ ինֆո

Օգտակար լրացուցիչ ուտեստները կարող են ոչ միայն բարելավել հիմնական ուտեստի համը, այլև օգնել հավասարակշռված դիետա կազմել, ասել է գաստրոէնտերոլոգ Եկատերինա Կաշուխը: Առավել վնասակար խավարտները, որոնք նա նշել է «Газета.Ru-ի հետ զրույցում:

Ըստ Կաշուխի, կարագով և կաթով կարտոֆիլի պյուրեն կարող է վնասակար լինել, քանի որ այն ունի բարձր կալորիականություն և զգալիորեն ավելի քիչ օգտակար վիտամիններ և հանքանյութեր է պարունակում, քան բանջարեղենի խավարտների տարբերակները: «Նույնը կարելի է ասել տապակած կարտոֆիլի մասին, միայն դրա պատրաստման ժամանակ արդեն իսկ շատ յուղ է օգտագործվում։ Տապակած ուտեստների կանոնավոր օգտագործումը նպաստում է քաշի ավելացմանը եւ մեծացնում է սրտի եւ անոթների հիվանդությունների վտանգը», — ասել է նա՝ հավելելով, որ ավելի լավ է կարտոֆիլը պատրաստել ջեռոցում կամ խաշել, որպեսզի պահպանվեն օգտակար հատկությունները եւ խուսափենք ավելորդ հագեցած ճարպերից։

Սպիտակ հղկված բրինձը, որը գործնականում չի պարունակում մանրաթել և վիտամիններ, որոնք առկա են շագանակագույն բրնձի մեջ, նույնպես վնասակար է.այն արագորեն բարձրացնում է արյան մեջ շաքարի մակարդակը, շարունակել է գաստրոէնտերոլոգը: Նույն կերպ, պարզաբանել է նա, գործում են նաեւ սպիտակ ալյուրից պատրաստված մակարոնները։

Որպես ամենաօգտակար խավարտ նա անվանել է շոգեխաշած կամ ջեռոցում պատրաստված բանջարեղենը (ծաղկակաղամբ, բրոկկոլի, գազար, պղպեղ, դդմիկ) եւ ձավարեղենը (հնդկաձավար, քինոա, բլղուր):

Աղբյուր` Փաստինֆո