Փաստ ինֆո

Վերջերս ենք իմացել, որ շամպայնը ի սկզբանե ոչ թե խմիչքի անուն է եղել, այլ՝ ռեգիոնի և աշխարհագրական անուն է, նույնն էլ՝ կոնյակը։ Նաև սա Է պատճառը, որ մինչև այսօր որոշ ուղղություններով արտահանման խնդիրներ ունենք։ Մենք գալիս ենք «սովետական շամպայն» սպառողական կուլտուրայից, բայց դա ինքնին չի կարող լինել այդպես, եթե այդ հումքը պատենտավորված չէ։ Այս մասին կառավարության նիստի ընթացքում հայտարարեց Նիկոլ Փաշինյանը։

Նրա խոսքով՝ մենք ոչ թե պետք է աշխատենք այն ուղղությամբ, որ փորձենք մեկին ապացուցելու, որ շամպայնը մենք ենք ստեղծել, այլ պետք է արձանագրենք, որ նման բան ի բնե չէր կարող լինել, քանի որ շամպայնը ոչ թե փրփրուն գինին է, այլ այն փրփրուն գինին է, որն արտադրվում է Շամպայն ռեգիոնում աճեցված խաղողից, նույն էլ՝ կոնյակը։

«Դա վերաբերում է այն բրենդին, որն արտադրված է Կոնյակ ռեգիոնում ստացված խաղողից: Սրանք բաներ են, որոնք առաջին հայացքից հասանելի չեն, բայց առանց այսպիսի հարցերի առերեսվելու ու դրանց լուծում տալու, հնարավոր չէ ժամանակակից տնտեսություն ունենալ: Հիմա, օրինակ, կոնյակը Ֆրանսիայի համար ոչ նյութական արժեք է, և այսօր այն երկրները, որոնք Ֆրանսիա չեն, բայց ասում են՝ գիտեք մենք ինչ կոնյակ ունենք, կողքից քմծիծաղ է առաջացնում: Դա մոտավորապես միջպետական ճանապարհին՝ Դիլիջանում ջերմուկ չունեք պատմության նյութականացումն է, սա շատ խայտառակ բան է»,- ասաց Փաշինյանը, ապա ավելացրեց՝ մենք չենք տեսնում, թե կողքից ուրիշները մեզ ինչպես են ընկալում ու դա ամոթ է․ «Երբ մենք ասում ենք՝ գիտեք, թե մենք ինչ կոնյակ ունենք, մարդիկ ժպտում են և մտքում ասում՝ ըմ…:»
Նրա խոսքով՝ սա առաջին հերթին ԿԳՄՍ և Էկոնոմիկայի նախարարությունների խնդիրն է:
«Մենք ԵՄ աջակցությամբ ծրագրեր ունենք այդ մասով և անպայման դրանք պետք է անենք: Մինչև մենք այս հարցերը չլուծենք, մենք չենք կարող ունենալ տնտեսություն, որը ինտեգրված է զարգացած տնտեսությանը: Մենք կարող ենք լինել ետնախորշերի տնտեսություն, որտեղ կարելի է տանել թաքուն տեղերում, թաքուն բաներ վաճառել, բայց թաքուն տեղերում թաքուն բաներ վաճառելու հնարավորություններն անսահմանափակ չեն, իքս պահի դրանք վերանալու են և մենք էլ ասելու ենք՝ վայ բա էս ո՞նց եղավ: Շատ պարզ՝ մենք ուղղակի ալարեցինք բացել և երեք հատ ավելի գիրք կարդալ, հասկանալ, թե ինչպես է աշխարհն աշխատում»,-ասաց նա:

Աղբյուր` Փաստինֆո