Փաստ ինֆո

«ՔՊ»-ն նման բան չի որոշել և «Բալասանյան դաշինքը» Գյումրիում մանդատները վայր է դրել, քաղաքապետը հրաժարական է տվել: «ՔՊ»-ի որոշելու հարցը չէր դա: ՔՊ-ն դրանից հետո արդեն իր դիրքորոշումը հայտնում է: Այս մասին լրագրողների հետ զրույցում ասաց «Քաղաքացիական պայմանագիր» կուակցության Գյումրիի տարածքային խորհրդի նախագահ, ԱԺ պատգամավոր Կարեն Սարուխանյանը՝ համաձայն չլինելով պնդումներին, թե «Բալասանյան դաշինքի» մանդատները վայր է դրել իշխանության պարտադրանքով:

« ՔՊ-ն նման բան չի արել։ Եթե խոսքը ձերբակալությունների մասին է, ապա դա իրավական պրոցես է։ Այս պահին չենք հիշել, այդ գործը եղել է վաղուց։ Այն որ «Բալասանյան դաշինքը» մանդատները դրել է, դրանից հետոյի պրոցեսը և քաղաքապետի հրաժարականն արդեն քաղաքական պրոցես է»,- ասաց նա։

Դիտարկմանը, որ, երբ մի քանի տարվա գործով ակտիվացում է լինում, ինչին հետևում են ձերբակալությունները, ապա՝ Գյումրիում իշխող խմբակցությունը հայտարարում է հրաժարականի մասին, այստեղ ինչ-որ բան այն չէ, զուգադիպությունները հենց այնպես չեն լինում, հատկապես, երբ արդեն հայտարարվում է, որ ՔՊ-ից քաղաքապետի թեկնածուն ինքն է, Սարուխանյանն արձագանքեց՝ իրավական գործընթացների մասով կարող են հետաքրքրվել ՔԿ-ից, իսկ իր մասով չի հայտարարել այդպիսի բան, որ ինքն է թեկնածուն։

«Ես հայտարարել եմ՝ ՔՊ-ն ունի դիրքորոշում, որ այն համայնքներում, որտեղ ՔՊ կուսակցությունն ունի տարածքային կազմակերպություններ, դրանց նախագահները դիտարկվում են որպես տվյալ համայնքում ընտրություններում ցուցակն առաջնորդող անձնավորություններ: մենք այդ մասին հայտարարել ենք նաև այն կոնտեքստում, որ պատրաստվում ենք արտահերթ ընտրությունների»:

Աղբյուր` Փաստինֆո