Փաստ ինֆո

ՀՀ ԱԺ արտահերթ նիստում քննարկվում է ՔՊ-ական պատգամավորներ Արմեն Խաչատրյանի և Անդրանիկ Քոչարյանի հեղինակած «Զինվորական ծառայության և զինծառայողների կարգավիճակի մասին» օրենքում և կից օրենքներում լրացումներ և փոփոխություններ կատարելու մասին օրինագծերի փաթեթը։

Նախագծով առաջարկվում է, որպեսզի զինված ուժերում մարտական խնդիր կատարող զորամասերը զինվորական ծառայության ուղի և համապատասխան մասնագիտական ունակություններ ունեցող, սակայն զինվորական ծառայությունից զորացրված և երկարամյա ծառայության համար զինվորական կենսաթոշակ ստացող անձանցով համալրելու գրավչությունը ապահովելու համար նշյալ զորամասերում պայմանագրային ծառայության անցնելու դեպքում չդադարեցնել զինվորական թոշակի իրավունքը։ Այսինքն, զինվորականը, որ արդեն թոշակի է անցել, կամ նախատեսում է անցնել՝ ծառայությունը շարունակելու դեպքում, կստանա և զինվորական կենսաթոշակը, և աշխատավարձ։

Զորամասերի ցանկը և պայմանները սահմանում է Պաշտպանությանն նախարարությունը։

Քննարկման ընթացքում ՔՊ-ական պատգամավոր Զարուհի Բաթոյանն հարցրեց, թե ինչով է պայմանավորված այն, որ զորամասերը ցանկը պետք է սահմանի ՊՆ-ն, արդյո՞ք բոլոր զորամասերում դրա անհրաժեշտությունը չկա։
Խաչատրյանը պատասխանեց, որ ՀՀ ԶՈՒ-ում կադրային ռեսուրսների համալրման պրոցեսներում բավականին խնդիրներ կան և այդ խնդիրները հերթով լուծվելով առաջ են գնում։

«Բայց այս օրենքը վերաբերում է այն զորամասերին, որպեղ կա կադրային ռեսուրսի հրատապ խնդիրներ։ Չեմ ցանկանում վիճակագրություն ներկայացնել, բայց կան զորամասեր, որտեղ համալրումը հրապատ բնույթ է կրում։ Այս օրենքը կոչվածէ խրախուսելու մեր այն սպաներին որոնք դեռևս սահմանային տարիքը չեն հատել և ծառայության համար պիտանի են, որպեսզի վերադառնան ծառայության և ստանան ինչպես կենսաթոշակ, այնպես էլ աշխատավարձ»։
Նա նաև նշեց, որ ցուցակը ճյուն է լինելու և այն անընդհատ ու շարունակաբար փոփոխության է ենթարկվելու։

Աղբյուր` Փաստինֆո