Փաստ ինֆո

Նաև հենց սրա համար ենք ասում, որ առանց բարձրագույն կրթության վարչապետ աշխատելը խնդիր է։ Բա, որ ձեր իշխանությունն այս պարզ բաներն է վերջերս իմանում, բա պատկերացնո՞ւմ ես, թե որքան կարևոր բաներ կան, որ դեռ չգիտես ու չես իմացել։ Այս մասին ֆեյսբուքյան իր էջում գրել է փաստաբան Արսեն Բաբայանը՝ անդրադառնալով Փաշինյանի այն հայտարարությանը, թե վերջերս է իմացել, որ Շամպայնը մինչև խմիչք լինելը ռեգիոն էր, նույնն էլ՝ կոնյակը։

«Լավ, դե գոնե սրանք էլ իմացի․

#Բորդո – ի սկզբանե չի եղել խմիչքի անվանում, այլ՝ Ֆրանսիայի Բորդո շրջանից եկած կարմիր գինիների տեսակ,

#Ռոքֆոր – Ֆրանսիայի գյուղերից է,

#Կալամատա – ի սկզբանե չի եղել ձիթապտղի անվանում, այլ՝ Հունաստանում քաղաք է,

#Չեդդեր – մինչև պանիր լինելը Անգլիայի գյուղերից էր:

Ասեմ ավելին, կարծում եմ սա էլ չեք իմանա․ «Նյու Յորք պիցցան», մինչև պիցցայի անվանում դառնալը, ԱՄՆ-ում բավականին հայտնի քաղաք է․․․»,- գրել է Բաբայանը։

Աղբյուր` Փաստինֆո