Փաստ ինֆո

«Այն, ինչ այսօր նախաձեռնել է Ադրբեջանը՝ մի կողմից Ռուսաստանի միջնորդությամբ, մյուս կողմից՝ ԱՄՆ-ի անհասկանալի հայտարարություններով, խոսում է այն մասին, որ պատմությունը ոչինչ չի սովորեցնում։ Ուշադրություն դարձրեք, որ Եվրոպան իրեն այդպես չի պահում»,- «Փաստինֆո» - ի եթերում հայտարարել է քաղաքական գործիչ, ՀՀ ԶՈՒ ԳՇ նախկին պետի խորհրդական Վլադիմիր Պողոսյանը։

«Մարդիկ դաս չեն քաղում, օրինակ, առաջին համաշխարհային պատերազմի արդյունքների փորձից։ Ըստ էության, Վերսալի պայմանագիրը իշխանության բերեց Հիտլերին։ Երբ ժողովուրդն իրեն նվաստացած ու ոտնահարված է զգում, դա հանգեցնում է նրան, որ իշխանության են գալիս մարդիկ, որոնք ունակ են վերակենդանացնել այդ երկիրը», — նշել Է զրուցակիցը։

Պողոսյանի խոսքով՝ և' Ալիևը, և' Փաշինյանը մոլորության մեջ են։ «Հայաստանի համար բռնի դեմարկացիան և դելիմիտացիան բերելու են պատերազմի։ Նույնիսկ եթե Փաշինյանը պայմանագիր ստորագրի, որ երբեք, կողմերից ոչ մեկը մյուսի նկատմամբ տարածքային գերլարումներ չի ունենա, դա ոչ մի բանի մասին չի խոսում։ Հենց որ, դիցուկ, ես իշխանության գամ, պայմանագիրը կճանաչվի առ ոչինչ։ Այն, ինչ անում են Փաշինյանն ու Ալիևը Մոսկվայի, Անկարայի և մասամբ ամերիկյան վարչակազմի միջնորդությամբ, ըստ էության, տարածաշրջանում ապագա պատերազմի հիմքն է», – կարծում է քաղաքական գործիչը։

Պողոսյանի խոսքով՝ Արևմուտքը վաղուց է հիասթափվել Փաշինյանից և ընդունում է Հայաստանում իշխանափոխությունը, նույնիսկ եթե այն իրականացվի նույն ճանապարհով, ինչ 2018-ին:

Փորձագետը չի բացառում Հայաստանի վրա Ադրբեջանի հարձակման հնարավորությունը, նույնիսկ եթե խաղաղության պայմանագիր ստորագրվի: Նա նշել է ադրբեջանական զորքերի մշտական սպառազինության և պարբերաբար անցկացվող զորավարժությունների գործոնը: «Նրանք պատրաստվում են պատերազմի, մշտապես հագեցնում են իրենց զինված ուժերը նոր տեխնոլոգիաներով։ Իսկ քանի որ և' Թուրքիայի, և' Վրաստանի, և' Իրանի հետ Ադրբեջանը խաղաղություն ունի, ապա միանգամայն պարզ է, որ նրանք պատրաստվում են պատերազմել բացառապես Հայաստանի և ոչ այլ մեկի հետ», — հայտարարել է նա։

Աղբյուր` Փաստինֆո