Փաստ ինֆո

Աշխարհին ԲՐԻԿՍ-ը տվեց բազմաբևեռականության ևս մեկ ապացույց, որ աշխարհը այլևս երկբևեռ չի և առաջվա աշխարհակարգը չի աշխատում։ Աշխարհաքաղաքական նոր պատկերի մեջ Հայաստանի համար կարևոր է լինել պետություն, որի իշխանությունը հասկանում է, թե ինչ է կատարվում աշխարհում։ «ՓաստԻնֆոյի» եթերում ասել է Ադրբեջանի հարցերի փորձագետ Անժելա Էլիբեգովան։

Բանախոսի դիտարկմամբ, կա արևմտյան աշխարհակարգ, որի դեմ Արևելքը պայքարի է դուրս եկել։ Բնական է, որ Արևմուտքին ներկա դրվածքը դուր չի գալիս և պայքարը սրվելու է, որը կարող է անկանխատեսելի լինել։ Այս պայմաններում Ադրբեջանը նշում է, որ շտապելու տեղ չունի, փոխարենը բազմաթիվ պահանջներ ունի Հայաստանից։

Անդրադառնալով հայ-ադրբեջանական բանակցություններին, փորձագետը նշում է, որ կան քննարկումների տարբեր ֆորմատներ, սակայն ադրբեջանական կողմի պնդմամբ բանակցությունները պետք է երկկողմանի լինեն, միջնորդ չպետք է լինի։ Միջնորդները պատասխանատվություն են կրում երաշխիքների համար, որպեսզի այդ պայմանավորվածությունները կատարվեն։

Բանախոսը նշում է, որ հիմա Ադրբեջանը գտնվում է Արևմուտքի հետ բավականին լարված հարաբերությունների փուլում։ Ադրբեջանը հասկանում է, որ իր իշխանության համար վտանգը և ռիսկերը արտաքին ճնշումներից են գալիս։ Հասարակության ներսում էլ էյֆորիան արդեն անցել է, պատերազմից չորս տարի է անցել՝ խնդիրները չեն լուծվել, գումարների մեծ մասը գնում է Արցախի օկուպացված տարածքներում ծախսվելու և հասարակությունը հասկանում է, որ պատերազմի արդյունքում ոչինչ չստացավ։

Սահմանազատման կանոնակարգի վավերացման առնչությամբ փորձագետը նշեց, որ զիջումների հաջորդ փուլը լինելու է և Մհեր Գրիգորյանը դրա մասին անկեղծ ասում է։ Սահմանազատման և սահմանագծման պրոցեսում Մ․ Գրիգորյանը ընդունում է, որ չկան հստակ քարտեզներ, իսկ ադրբեջանական կողմը ասում է, որ սահմանազատման պրոցեսը խաղաղության պայամանագրի հետ կապ չունի։ Իսկ Հայաստանում դա փաթեթային է ներկայացվում։

«Ադրբեջանը գործնականում պատրաստվում է հարձակման՝ ինտենսիվացել են միջազգային զորավարժությունները, կտրուկ բարձրացվել է ռազմական բյուջեն։ Քարոզչական առումով և միջազգային հարթակներում նախապատրաստվում են պատերազմի»,- ասել է Ա․ Էլիբեգովան։

Մանրամասները՝ տեսանյութում

Աղբյուր` Փաստինֆո