Փաստ ինֆո

ՀՀ վարչապետ Նիկոլ Փաշինյանը ԱԺ հանձնաժողովների համատեղ նիստում այսօրմեկնարկած 2025 թվականի բյուջեի նախագծի քննարկումը սկսեց նախկինում իր արած մի քանի դիտարկումներով, որոնցից առաջինը «Հայաստանն իմ օջախն է, ժողովուրդն իմ ընտանիքն է» բանաձևն էր, երկրորդը՝ «հարստացիր և հարստացրու», երրորդը՝ «Հայաստանի ապագան կախված է մեկ մարդուց և այդ մեկ մարդը դու ես», 4-րդ բանաձևը հետևյալն է. «Հայերնիքը պետությունն է, սիրում ես հայրենիքդ՝ ուժեղացրու պետությունդ», 5-րդ բանաձևը. «Այստեղ պետություն՝ այստեղ հաց, այստեղ հայրենիք՝ այստեղ կաց։

«Այս բանաձևերը ուզում եմ դնել «Իրական Հայաստանի» հայեցակարգային շրջանակի մեջ և այդ դիտանկյունից մեկնարկել բյուջետային քննարկումը՝ այն ընկալմամբ, որ ասելիքը վերաբերում է ոչ միայն 2025թ-ի բյուջեին, այլ ՀՀ պետական բյուջե՝ ընդհանրապես»,-ասաց նա՝ հարց ուղղելով՝ ի՞նչ է ՀՀ պետական բյուջեն:

Այնուհետև ինքն էլ պատասխանեց այդ հարցին, թե ՀՀ պետական բյուջեն յուրաքանչյուրիս մեծ ընտանեկան բյուջեն է։
Նա նաև ներկայացրեց, թե ինչ է հարկը, ինչպես է ձևավորվում բյուջեն, ովքեր են այն ձևավորում:

«Եվ ուրեմն ինչ է ՀՀ պետական բյուջեն: ՀՀ պետական բյուջեն մեր բոլորիս, ՀՀ յուրաքանչյուր քաղաքացու մեծ ընտանեկան բյուջեն է: Երկրում կան տարբեր բյուջեներ՝ համայնքային, որ ձևավորում են համայնքներն ավագանիների հետ, մասնավոր կազմակերպությունների բյուջեներ, կան նաև ընտանեկան բյուջեներ: Չեմ կարծում, թե Հայաստանում շատ են այն ընտանիքները, որ հաշվարկում, նախապես պլանավորում են իրենց տարեկան եկամուտները, բայց եթե մեր ընտանիքներում բյուջետային հաշվարկների փաթեթեներ չկան, չի նշանակում, թե ընտանեկան բյուջեներ չկան:

Հայաստանն իմ տունն է, ժողովուրդն իմ ընտանիքն է հայեցակարգային տրամաբանությամբ ՀՀ բյուջեն մեր հավաքական ընտանիքի բյուջեն է, որովհետև այն ձևավորվում է մեր բոլորիս, ՀՀ-ում ապրող և գործունեություն ծավալող քաղաքացիների ու բնակիչների աշխատանքի ու գործունեության արդյունքում»,- ասաց Փաշինյանը:

Աղբյուր` Փաստինֆո