Փաստ ինֆո

«Միակ հարթակը, որտեղ Հայաստանը կարողացել է վնասել, պատկերավոր ասած, ցավեցնել Ադրբեջանին, դա իրավական հարթակն է։ Այս փուլում ունենք միջանկյալ ակտեր և այդ միջանկյալ ակտերը արձանագրում են խախտումներ, պահանջներ ներկայացնում Արբեջանին, որոնք Ադրբեջանը չի կատարում»,- «Փաստինֆո»-ի հաղորդմամբ՝ այսօր նման հայտարարությամբ է հանդես եկել իրավապաշատպան Սիրանուշ Սահակյանը։

Նրա արձանագրմամբ՝ քաղաքական հարթակներում այդ արդարության տարրը բացակայում է, ավելին՝ այդ գործընթացները ներկայումս կարելի է բնութագրել վայրի, որտեղ, նպատահարմարությունից ելնելով, կարող են ցանկացած տիպի որոշումներ կայացնել։ Իրավապաշտպանը նշել է, որ ստեղծված վիճակում Ադրբեջանն այժմ ավելի ճիշտ է դիրքավորվել քաղաքական հարթակներում, փորձում է հասնել հարցի լուծմանն՝ անտեսելով իրավկան ուղենիշները։

«Սա է պատճառը, որ նրանք ճնշում են հայկական կողմին՝ հրաժարվել իրավական պահանջատիորությունից և ապավինել բացառապես քաղաքական ճանապարհով ձեռք բերված պայմանավորվածություններին, որոնք, ցավոք սրտի, չեն կարող թույլ պետությունների պարագայում արտացոլել վերջիններիս ազգային և պետական շահերը»,- ասել է Ս. Սահակյանը՝ չբացառելով, որ պաշտոնական Երեւանը կարող է հրաժարվել հայցերից։ Սակայն այդ դեպքում, ըստ նրա, դա կլինի ոչ թե ազատ կամարտահայտությամբ ընդունված որոշում, այլ արտաքին ճնշումների ներքո հայկական կողմին պարտադրված որոշում։

Աղբյուր` Փաստինֆո