Փաստ ինֆո

Պարբերաբար ինտենսիվ ֆիզիկական վարժությունները կարող են մեղմել խումարի ախտանիշները: Այս մասին գրում է The New Daily պարբերականը՝ վկայակոչելով գիտնականների եզրակացությունները։

Հետազոտողները գիտական փորձ են անցկացրել, որին մասնակցել են 1676 ուսանողներ, ովքեր վերջին երեք ամիսների ընթացքում գոնե մեկ անգամ խումարի վիչալում են եղել: Մասնակիցները լրացրել են առցանց հարցաթերթիկ, որը պատմում էր խմած ոգելից խմիչքների քանակի, ֆիզիկական ակտիվության մակարդակի, ինչպես նաև խումարի հաճախության և ծանրության մասին:

Վերլուծելով ստացված տվյալները՝ գիտնականները եկել են այն եզրակացության, որ նրանք, ովքեր մեծ քանակությամբ ալկոհոլ են օգտագործել, բայց չեն զբաղվել սպորտով, ավելի հաճախ եւ ավելի շատ են տառապել հետեւանքներից: Ընդ որում, մասնակիցների մոտ, որոնք օրական առնվազն կես ժամ ֆիզիկական ծանրաբեռնվածությանն էին հատկացնում, հարբեցողության բացասական հետեւանքներն ավելի քիչ ցայտուն են արտահայտվել։ Սա, հետազոտողների կարծիքով, ապացուցում է, որ ֆիզիկական ակտիվությունը կարող է դառնալ խումարի դեմ պայքարի մատչելի միջոց:

Իրենց աշխատանքում փորձագետները նաև ուշադրություն են դարձրել, որ ալկոհոլ օգտագործելուց հետո տհաճ ախտանիշները թեթևացնելու լավագույն միջոցներից մեկը քունն է, իսկ դրա որակը բարելավվում է սպորտի շնորհիվ: Միևնույն ժամանակ, գիտնականները խոստովանել են, որ իրենց վարկածը հետագա ուսումնասիրության կարիք ունի:

Աղբյուր` Փաստինֆո