Փաստ ինֆո

ՀՀ-ում միակ հասարակական-քաղաքական ուժը, որը սկսած 2018թ․ ապրիլի 24-ից խորհրդարանում, փողոցում, միջազգային հարթակներում, ԶԼՄ-ների միջոցով և ամենակարևորը՝ ռեալ փողոցային ակցիաների միջոցով, վարել է այս պայքարը։ 2018թ․ ապրիլի 24-ին ՀՀԿ-ից բացի ոչ ոք չէր ասում, որ Փաշինյանն աղետ է։ Հետագայում այդ պայքարին միացան ուժեր, որոնցից բոլորի հետ նույն խրամատում ենք։ Այս մասին խորհրդարանական ճեպազրույցների ժամանակ ասաց «Պատիվ ունեմ» խմբակցության ղեկավար Հայկ Մամիջանյանը։

Պատասխանելով հարցին, թե ինչու 2018թ․ ՀՀԿ-ն քվեարկեց Փաշինյանի օգտին, Մամիջանյանը նշեց․ «Հիմա ինչ-որ տենդենց կա, գործիչներ, որոնք 2018թ․ Փաշինյանից ուրախ էին, արդեն նոր կոստյումներ էին առնում՝ նոր պաշտոնների համար, վիզիտկաներ սարքում, նույն հարցը նենգափոխված են տալիս, թե ինչու բերեցիք Փաշինյանին։ Նախագահ Սարգսյանը մեկ անգամ ասաց, որ նման խզբզանք անգամ թշնամու համար որպես պրոեկտ չէր ենթադրի, ուր մնաց՝ ինքն իր համար»։ Բացի այդ, Մամիջանյանը հիշեցրեց, որ 2018թ․ ՀՀԿ-ն հայտարարել էր, որ թեկնածու չի առաջադրելու, պատրաստ է քննարկել այլ թեկնածու, խորհրդարանական մյուս երեք խմբակցությունները ներկայացրին Փաշինյանի թեկնածուին։

«Երբեք չեք լսի, որ մենք որևէ կերպ մեղադրենք ժողովրդին։ Ժողովրդին խաբել են 2018թ․, խոստանում էին՝ վարկերը ջրել, արագաչափերը հանել, հետո՝ Արցախը Հայաստան է և վերջ»,- նշեց Մամիջանյանը։

Աղբյուր` Փաստինֆո