Փաստ ինֆո

Կազանում հանդիպումը նոր է տեղի ունեցել, օբյեկտիվ պատճառներով այս պահին հնարավոր չէ ավելի շատ տեղեկատվություն հայտնել, մենք միշտ բաց, հրապարակային կիսվում ենք հանդիպման արդյունքներով պաշտոնական հաղորդագրությամբ։ Այս մասին այսօր կայացած խորհրդարանական ճեպազրույցների ընթացքում ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը՝ անդրադառնալով նախօրեին Կազանում տեղի ունեցած Փաշինյան–Ալիև հանդիպման արդյունքներին։

Հարցին, թե արդյոք Հայաստանի առաջարկը՝ ստորագրել պայմանագրի համաձայնեցված կետերը մի կողմ է մղվել ու բանակցություններն հիմա այն մասին են, որ պայմանագիրը ամբողջական տեսքի բերելուց հետո է պետք ստորագրել՝ ՔՊ-ական պատգամավոր Հռիփսիմե Գրիգորյանը նշեց, որ ՀՀ –ի դիրքորոշումը չի փոխվել։
«ՀՀ-ն հայտարարել է, որ պատրաստ է ստորագրել խաղաղության պայմանագիրը համաձայնեցված հոդվածների շուրջ։ Մեր գնահատմամբ պայմանագրի համաձայնեցված տեքստը լիովին պատասխանում է այն հարցին, թե որոնք պետք է լինեն հիմնարար սկզբունքները, որով պետք է կարգավորվեն հարաբերությունները»,-ասաց պատգամավորն՝ ընդգծելով, որ Հայաստանը պատրաստ է արդեն այսօր ստորագրել համաձայնությունը, պատրաստ էին նաև երեկ։

«Այսիքնն, մենք գտնում ենք, որ որևէ բան, բացառությամբ ադրբեջանի կողմից քաղաքական կամքի՝ այս պահին չի խոչընդոտում, որպեսզի խաղաղության պայմանագիր ստորագրվի։

Հարցին, թե ինչի շուրջ էին այս պահին բանակցությունները՝ Արթուր Հովհաննիսյանը նշեց, որ հանդիպումը նոր է տեղի ունեցել և ինչ հնարավոր էր հայտնել՝ հայտնել են։

Աղբյուր` Փաստինֆո