Փաստ ինֆո

Սուշին կարող է վտանգավոր լինել հղի կանանց համար՝ վարակների զարգացման ռիսկի պատճառով, ասել է մանկաբարձ-գինեկոլոգ Իրինա Սոլոմախինան: Հայտնի ուտեստի վտանգի մասին նա նախազգուշացրել է հղի կանանց «Газета.Ru»-ի հետ զրույցում:

Սուշիում կարող են լինել լիստերիա բակտերիաներ, որոնք առաջացնում են լիստերիոզ, նշել է նա։ «Ուժեղ իմունային համակարգ ունեցող առողջ մարդկանց մոտ հիվանդությունը սովորաբար արտահայտվում է մեղմ ախտանիշներով կամ սահմանափակվում է սննդային թունավորմամբ: Սակայն հղի կանայք գտնվում են բարձր ռիսկի խմբում՝ նրանց մոտ լիստերիոզով հիվանդացությունն ավելի բարձր է 10-100 անգամ»,- հստակեցրել է Սոլոմախինան։

Լիստերիոզ ունեցող հղիների մոտ նկատվում են ջերմություն, դող, մկանային ցավեր, սրտխառնոց, լուծ, հիվանդությունը կարող է հանգեցնել պտղի վարակման, վիժման, վաղաժամ ծննդաբերության, նախազգուշացրել է բժիշկը:

Մոր՝ լիստերիոզով վարակումը տեղի է ունենում այն մթերքների օգտագործման ժամանակ, որոնք բավարար ջերմային մշակում չեն անցել՝ ձուկ, միս, պանիրներ, չպաստերիզացված կաթնամթերք, հում բանջարեղեն եւ մրգեր, հավելել է Սոլոմախինան: Նա հավաստիացրել է, որ բակտերիաները կարող են ոչնչացվել միայն առնվազն 100°C ջերմաստիճանում, ուստի տապակված ռոլերը կամ այլ ջերմամշակված ուտեստները ավելի անվտանգ են:

Աղբյուր` Փաստինֆո