Փաստ ինֆո

Մեր ձեռնարկած քայլերի, միջոցառումների արդյունքում կարողացանք հասարակությանն արթնացնել։ Հիմա «Սրբազան պայքարը» կանգնել է շատերի կոկորդին։ Եթե իշխանություններն ասում են, որ այս շարժումը մարել է, հաջողություն չի ունեցել, ապա պատասխանատու կերպով ասում եմ՝ չկա մի օր, որ մեր ակտիվ համակիրները, Սրբազան պայքարի աջակիցները, այն մարդիկ, որոնք կազմակերպչական և այլ բնույթի աշխատանքներ են տանում, չտանեն բաժին։ Այս մարդիկ ստեղծել են մի հանցավոր խումբ, որոնք ահաբեկիչի գործելաոճով մարդկանց տանում են ոստիկանական բաժանմունքներ, մարդկանց հալածանքների և կտտանքների ենթարկում։ Եթե ամեն ինչ լավ է, շարժումն էլ՝ մարած է, ապա այս ճնշումներն ինչի համար են։ Այս մասին հրավիրված ասուլիսում ասաց Գառնիկ Դանիելյանը՝ հավելելով, որ ոստիկանություն են հրավիրվում բոլոր ակտիվ մարդկանց։

«Այսօր Սրբազան պայքարը քննադատում են մարդիկ, որոնք ոչինչ չեն արել, մատը մատին չեն տվել։ Արցախի կորստի ժամանակ, երբ տասնյակ մեր քաղաքական գործիչներ, այդ մարդիկ Նիկոլ Փաշինյանի հետ զբաղված էին Արցախը հանձնելու գործընթացով»,- ասաց Դանիելյանը՝ հավելելով, որ մեծ-մեծ խոսելով չէ։
Նրա խոսքով՝ Փաշինյանի հեռանալը ժամանակի հարց է, ինքն իր իշխանությունը պահում է բռնությունների, ռեպրեսիաների, միջազգային տարբեր հովանավորների միջոցով, մինչդեռ, այդ աջակցությունն անսահմանափակ չէ։

Աղբյուր` Փաստինֆո