Փաստ ինֆո

ՀՀ կառավարության հետ հարցուպատասխանի ժամանակ «Հայաստան» խմբակցության պատգամավոր Լևոն Քոչարյանը կրկին անդրադարձավ հատվածական սահմանազատում իրականացնելու վտանգներին և հարցին, թե ո՞րն է ադրբեջանցիներին կուրորեն հավատալու պատճառը։ «Արդյո՞ք այն է, Արցախցիների նկատմամն իրականացրած ցեղասպանությունն է, թե այն է, որ նրանք հավակնություն ունեն մեր ողջ տարածքին, կամ այն, որ դուք այստեղ կանոնակարգ եք ընդունում,. իսկ իրենք խոսում են արևմտյան Ադրբեջան վերադառնալու մասին։ ինչ պատասխան եք տալու ՀՀ քաղաքացիներին, երբ այս վտանգները կյանքի կոչվեն»։

ՀՀ վարչապետ Նիկոլ Փաշինյանը ի պատասխան ասաց, որ իրենք որդեգրել են ռազմավարություն և այդ ռազմավարությունն այն է, որ անվտանգային ոլորտում իրենց ռազմավարության հիմքը պետք է լինի լեգիօտիմությունը։
«Այն , ինչ այսօր ԱԺ-ն վավերացրել է՝ մենք պետք է ըստ արժանվույն գնահատենք այդ իրադարձությունը։ մենք դրանով արձանագրել ենք ՀՀ լեգիտիմ տարածքների սահմանազատման սկզբունները, որոնք պետք է կյանքի կոչվեն»։

Նա ընդգծեց, որ և ՀՀ-ում և ՀՀ-ից դուրս կլինեն երևույթներ, որոնց նպատակն է լինելու իրենց այդ ռազմավարությունից շեղելը։ « մենք այդ ռազմավարությունից չենք շեղվելու, բայց նաև լսելու ենք բոլոր հնարավոր մտահոգությունները։ Բայց նաև պետք է արձանագրեմ, որ այդ մտահոգությունները հասցեագրելու բոլոր մեխանիզմները կանոնակարգը նախատեսում է, դրանում ներառված է , ոչ միայն հատվածական սահմանազատման հնարավորություն, այլև սահմանազատման գործընթացը ըստ էության ավարտվելու է ամբողջական սահմանազատման գործընթացով։
Ամեն հատված պետք է սահմանազատվի, արձանագրվի՝ հետագա պրոցեսները իրականացնելու համար»,-ասաց նա՝ ընդգծելով, որ Կիրանցում տեղի ունեցածը մեծ ձեռքբերում է։

Քոչարյանը արձագանեք, թե յուրաքանչյուր հատվածում փոփոխությունները գետնի վրա արվելու են՝ մինչև վերջնական համաձայնեցումը։

«Եթե օրինակ, հաջորդ հատվածը լինի Տիգրանաշենում ու հայ զինվերը հետ քաշվի, հետո երբ հերթը հասնի Ջերմուկին, որտեղ ադրբեջանցիները ներսում են, որ իրենք դա չանեն՝ ինչ ենք անելու։ Լոլոներ պետք չի կարդալ, կոնկրետ ասեք ՝ ինչ եք անելու»։

Փաշինյանը հակադարձեց. «Հասկանում եմ, որ գուցե «Կիկոսի մահը» այն քիչ գրքերից է որ դուք կարդացել եք, բայց կանոնակարգում ջռր նկարագրած մեխանիզմներն այդպիսին չեն։ դա ձեր մեկնաբանությունն է։ Կանոնակարգի տեքստ կա, որը լիովին համապատասխանում է ՀՀ պետական շահին»։

Աղբյուր` Փաստինֆո