Փաստ ինֆո

Այն տեխնիկան, որ սպասարկում է ճանապարհը, ըստ ձեր ներկայացրած պարամետրերի, չպետք է 70-80-ական թթ-ի չլինի, մինչդեռ այդ ԶԻԼ-երի վրա մի քանի հոգի կանգնում՝ աղ են այս ու այն կողմ շաղ տալիս, հեսա գալիս է այդ սեզոնը, ոնց եք անելու։ Այս մասին ԱԺ-ում հայտարարեց «Հայաստան» խմբակցության պատգամավոր Գառնիկ Դանիելյանը։

«Կարող է կազմակերպությունը, որ շահում է այդ աշխատանքները՝ իրեն ձեռք է տալիս 1 մլն դրամ տուգանվի, բայց 10 մլն դրամ շահույթ տանի։ Փոխանակ ասեք՝ ոնց անենք, որ ճանապարհների սպասարկման ընթացքից կոռուպցիոն ռիսկերը նվազեցնենք, հիմա ուրիշ բաներ եք խոսում։ Օրինակ, Գանձաքարի հատվածում ճանապարհը սկսել են սարքել, 2-3 կմ առաջ են գնացել ու սկսել է քանդվել սարքած հատվածը, երբ դեռ 10 կմ սարքելու բան կա։

Պատասխանատու կերպով հայտարարում եմ, «Ճանապարհային դեպարտամենտում» ռիսկեր կան, այն փողերը, որ լափում են, ուտում են, դա չպետք է լինի։ Ինձ հետաքրքիր չի՝ ում իշխանության օրոք է եղել կամ ով է այդ ճանապարհ սարքողը, նախկին է, նորկա է, հերիք է, ասֆալտին էլ ներկա ու նախկին արեցիք»,- վրդովված ասաց Դանիելյանը, ինչի ԱԺ փոխնախագահ Հակոբ Արշակյանն էլ հորդորեց. «Մի ջղայնացեք, պարոն Դանիելյան»։

Աղբյուր` Փաստինֆո