Փաստ ինֆո

Չհասկացա, ինչու էդպես ջղայնացաք Արցախի դրոշների նայելուց, պետք չի զգացմունքները այդքան բացահայտ ցույց տալ։ Այս մասին ԱԺ-ում հայտարարությունների ժամին ասաց «Հայաստան» խմբակցության պատգամավոր Քրիստինե Վարդանյանը՝ դիմելով ԱԺ նախագահ Ալեն Սիմոնյանին, ապա հարցրեց.

«Ալեն Սիմոնյան, Ձեզ երբևէ հարց տվե՞լ եք, թե այդ փաստարակները ինչու երբևէ Ալիևի մտքով չի անցել բերի, որպես իրավազորության հիմք։ Էդքան խելոք եք, հայտնաբերեցիք մի բան, որ Ադրբեջանը 30 տարի ման էր գալիս ու չէր գտնում, էս 3 տարի է խոսում եք այն մասին, որ ներքին օրենքով է ճանաչվել Ադրբեջանի մաս, բայց դա այնքան հիմարություն է, որ ձեզնից բացի դա չի կրկնում։ Մտածե՞լ եք՝ էդ ո՞նց է , որ Ադրբեջանի վերնախավը բացառապես ձեր հայտարարություններն ու ստորագրություններ նէ վկայակոչում որպես Արցախի վրա իր իրավազորության հիմք։ Էդ թուղթը, որ ոչ ոքի պարծանքը չի՝ միայն դուք եք ցիտում, Անգամ Ալիևը Սամվել Շահրամանյանի ստորագրած թուղթը չի վկայակոչում որպես Արցախի վրա իրավազորության հիմք։ Ձեր մոտ հարց չի առաջացել, թե էդ ոնց է էդպես ստացվում»,-ասաց Վարդանյանը։

Նա նաև հարց ուղղեց, թե ինչպես կարող են Քպ-ից մեղադրանքներ հնչել, թե որևէ մեկը ադրբեջանական նարատիվներ է տարածում, այն դեպքում, երբ ՔՊ-ի ԱԳ նախարարին ադրբեջանցիները հակադարձում են Նիկոլ Փաշինյանի խոսքերով։ «Ադրբեջանը ասել է Սահմանադրություն պետք է փոխեք, բայց էս պետության հիմնադիրներն այնքան հեռատես են եղել, որ այնպես են արել, որ Սահմանադրության նախաբանը անփոփոխելի լինի, անգամ հանրաքվե դնեք՝ դա չեք կարողանա փոխել, միակ տարբերակը այս պետությունը լուծարելն է։ Դրա համար օլոմբա եք ֆռացել, մասկի շոու եք արել, ՍԴով անցկացրել եք, բայց դրանով էլ չեք բավարարվում, ասում են չէ՝ պետք է ժողովուրդն ասի, որովհետև դուք էսօր կաք, վաղը չկաք, ու ձեզանից որևէ մեկը կարողանում է այդքանից հետո գալ, ասել, թե մենք ադրբեջանական նարատիվներ ենք տարածում»,-ասաց Վարդանյանը։

Աղբյուր` Փաստինֆո