Փաստ ինֆո

Արդեն ամբողջ աշխարհը գիտի, որ Հայաստանը խաղաղություն է ցանկանում, դրա համար էլ ԱՄՆ-ի նախագահը Ադրբեջանին է ասում, որ պետք է խաղաղություն կնքես։ Հիմա կարող է Ադրբեջանը Ռուսաստանին խոսք է տվել, որ չի կնքելու այդ պայմանագիրը, դրա համար էլ անընդհատ մահանաներ է բռնում, ասում է՝ սահմանադրություն էլ փոխենք, բայց դրանից հետո էլ նա ուրիշ պայման առաջ կքաշի։ Այս մասին «Փաստինֆոյի» հետ զրույցում ասաց ՔՊ-ական պատգամավոր Գագիկ Մելքոնյանը։

«Այսինքն, Ադրբեջանը զապաս թեմաներ շատ ունի, որ եթե էս մեկից պրծենք՝ էն մյուսն առաջ կքաշի, ինքը նպատակ չունի խաղաղության պայմանագիր կնքելու։ Մենք հասկանում ենք՝ չէ՞, որ Ադրբեջանը խաղաղության պայմանագիր չի կնքելու, որովհետև ինչ-որ մեկին խոսք է տվել, որ չի կնքելու։ Կարծում եմ, Բայդենի նամակից հետո կսկսվեն պատժամիջոցներ, որովհետև վերջին ժամանակներում ԱՄՆ կոնգրեսում այդ հարցը բարձրացրել են»։

Հարցին, թե արդյոք սահմանազատման հանձնաժողովների կանոնակարգի հետ կապված մտահոգություններ չունի՞՝ նա նշեց, որ չունի որևէ մտահոգություն։ «Մենք հիմա մեր քայլերն ենք կատարում ու աշխարհին ցույց ենք տալու, որ պատրաստ ենք գնալ խաղաղության, եթե իրենք նորից չանեն՝ իրենք են աշխարհով մեկ խայտառակ լինելու, քանի որ ակնհայտ է լինելու, որ իրենք խաղաղություն չեն ուզում։ Որ ընդդիմությունն ասում է՝ քարտեզ չկա, քարտեզ կա, էդ քարտոզով սահմանազատում եղել է, ասում էին Բերքաբեր, բայց Բերքաբերում 900 հա-ը վերադարձվել մեզ։ Էդ հողից հիմա իրենք դուրս են եկել։ Իրենք էնտեղ չեն»։

Անդրադառնալով հարցին, թե հնարավո՞ր է, որ ՔՊ-ում էլ առավոտները հաշտ ու խաղաղ չեն ու տարաձայնություններ կան՝ Մելքոնյանը պատասխանեց, թե հույս չունենանք։ «Թող լրագրողները նման հույսեր չունենան։ Եթե ընդդիմությունը հարցեր կան, որ չեն բարձրացնում, ապա ՔՊ-ական պատգամավորը պետք է բարձրացնի, մենք համ ընդդիմության դեր ենք կատարում, համ իշխանության»։ Դիտարկմանը, թե այսինքն՝ ՔՊ-ի ներսում ընդդիմություն կա՝ նա ասաց, որ ոչ։ «Ժողովուրդը տարբեր հարցերով դիմում է մեզ՝ ի՞նչ անենք, չբարձրացնե՞նք»։

Աղբյուր` Փաստինֆո