Փաստ ինֆո

Նոր քաղաքացիական հայցեր են հարուցվել ռեփեր և պրոդյուսեր Փի Դիդդիի (իսկական անունը՝ Շոն Քոմբս) դեմ՝ ի թիվս այլ բաների, սեռական ոտնձգությունների մեղադրանքով։ Այս մասին հաղորդում է CNN հեռուստաընկերությունը՝ գործի նյութերին հղումով։

Քոմբսի դեմ վեց նոր քաղաքացիական հայց է ներկայացվել, հայտնում է CNN-ը։ Ինչպես նշվում է, հայց են ներկայացրել երեք կին և երեք տղամարդ: Կանանցից մեկն իր դեմ հանցագործության պահին 13 տարեկան է եղել։ Հայցերից մեկում նա մեղադրում է պրոդյուսերին իր նկատմամբ սեռական բնույթի բռնի գործողություններ կատարելու մեջ։

Հայցերում առաջին անգամ կան նաև այլ հայտնի մարդկանց անուններ, հաղորդում է CNN-ը՝ չհստակեցնելով, թե ովքեր են նրանք:

Շոն Քոմբսը 2023 թվականից ի վեր մի քանի անգամ մեղադրվել է բռնության և շանտաժի մեջ։ Ամենաաղմկահարույց գործը նախաձեռնել է արտիստի նախկին ընկերուհին՝ երգչուհի Կասանդրա Վենտուրան։ Գործը դատարան չի ներկայացվել հայցը հետ վերցնելու պատճառով։ Սեպտեմբերին The New York Times-ը, հղում անելով աղբյուրներին, հայտնել էր, որ Փի Դիդին ձերբակալվել է Նյու Յորքի դատարանում բռնության և մարդկանց թրաֆիքինգի մեղադրանքով:

Նրա ձերբակալությունից հետո աղմկահարույց տեսանյութեր ու հրապարակումներ եղան այն մասին, որ հայտնի պրոդյուսերը կազմակերպել է «սպիտակ խնջույքներ», որոնց ներկա են եղել հոլիվուդի աստղեր, ինչպես նաև քաղաքական էլիտայի հայտնի դեմքեր, այդ խնջույքների ժամանակ ժամը 12-ից հետո թմրանյութեր են շրջանառել, խոսվում է նաև նաև անչափահասների սեռական շահագործման մասին։

Աղբյուր` Փաստինֆո