Փաստ ինֆո

Մոտավորապես, 7.5 մլրդ դրամ Երևանի քաղաքապետարանը այս տարվա ընթացքում սուբսիդավորում է «Երևանի ատվոբոիս» ՓԲԸ-ն։ Այս մասին Երևանի քաղաքապետարանի գործակարգավարական խորհրդակցության ժամանակ հայտնեց Երևանի քաղաքապետ Տիգրան Ավինյանն՝ ընդգծելով, որ բազմաթիվ անգամներ խոսվում է ստվերի նվազեցման ուղղությամբ։

«Մենք պետք է հասկանանք, որ Երևանում բարեկեցիկ հասարակական տրանսպորտ ապահովելու համար այս ծախսերը գնալով ավելանում են ու ամեն նոր շարժակազմի գնաման հետ այդ ծախսերն ավելանալու են։ Մենք այս տարի արդեն գնել ենք 171 նոր ավտոբուս, 15 նոր տրոլեյբուսներ և արդեն պետք է շարունակենքայդ ծրագիրն իրագործել։ Դրա համար խնդրում ու առաջարկում ենք նվազագույնը նոյեմբերի 1-ից տրանսպորտից օգտվելիս վճարման ընդամենը երկու եղանակ օգտագործեք:

Առաջինը՝ 100 դրամանոց մետաղադրամ ունենալն է, որը թույլ կտա միանգամից այն թողնել սարքի մեջ, երկրորդը, որ արդեն միասնական տոմսային համակարգի նախնական մասնիկն է, հենց էլեկտրոնային տոմսն է, որը կարող եք գնել տերմինալներից՝ QR կոդով, բայց ամենապարզ և հասարակ մեթոդը հեռախոսից, սմարթֆոնից օգտվելն է, այս պահի դրությամբ միայն «Թելսել»-ում առկա հնարավորությամբ, այսինքն՝ այդ նույն կոդը կարելի է գնել «Թելսել»-ի օգնությամբ»,- ասաց նա՝ հավելելով, որ սա առաջին հերթին իրենց օգնելու է հասույթների շարունակական աճն ապահովել, հնարավորինս խուսափել ստվերից, երկրորդ հերթին, անցումը դեպի միասնական տոմսային համակարգ շատ ավելի դյուրին է դարձնելու։

«Եթե ուզում ենք ունենալ շարունակական զարգացող հասարակական տրանսպորտ, իսկ Երևանի քաղաքապետարանը գնում է այդ ուղղությամբ, մենք էլ խնդրում ենք աջակցել մեզ այդ գործում, օգտվել կամ տոմսային համակարգից, կամ ունենալ 100 դրամանոց մետաղադրամ»,- ասաց նա։

Աղբյուր` Փաստինֆո