Փաստ ինֆո

Դատարանը ձերբակալել է Ստամբուլի կլինիկաներում հանցավոր սխեմա կազմակերպած բժիշկների հանցախմբի գործով 22 ֆիգուրանտների, նրանց գործողությունների պատճառով ավելի քան 20 երեխա է զոհվել, ուրբաթ հայտնել է Թուրքիայի արդարադատության նախարար Յիլմազ Թունչը:

«Հետաքննությունը սկսվել է 2023 թվականի մայիսի 21-ին Բույուքչեքմեջեի շրջանի դատախազության կողմից՝ մի շարք մասնավոր կլինիկաներում անմարդկային և ոչ ադեկվատ պայմանների պատճառով երեխաների մահվան վերաբերյալ բողոքներ ստանալուց հետո, 22-ը ձերբակալված են»,-«ՌԻԱ նովոստի»-ի փոխանցմամբ, գրել է Թունչը X սոցիալական ցանցում։

Նա նշել է, որ դատախազին սպառնացող ութ անձի նկատմամբ առանձին հետաքննություն է սկսվել, նրանցից հինգը ձերբակալվել են։

Ստամբուլի դատախազները մեղադրյալների համար պահանջում են 10-ից 589 տարվա ազատազրկում։ Խմբի գործում ներգրավված են տասնյակ կասկածյալներ, այդ թվում՝ կազմակերպված հանցավոր խմբի ղեկավար Ֆիրաթ Սարին, ով մանկաբույժ էր աշխատում Ստամբուլի Էսենյուրթ թաղամասի հիվանդանոցում։ Ըստ մեղադրական եզրակացության՝ խմբի անդամները նորածինների ծնողներին ստիպել են գնալ «բժիշկների» ընտրած մասնավոր հիվանդանոցներից մեկը, որտեղ երեխաներին տեղավորել են նորածնային բաժանմունքներ։

Այսպիսով, բժիշկները 3-4 անգամ ավելի շատ գումար են ստացել, քան պետական հիվանդանոցում, այդ թվում՝ երեխաներին սպասվածից մի քանի անգամ ավելի երկար թողնելով հիվանդանոցներում:
Գործի շրջանակներում հետաքննվում է առնվազն 21 նորածնի մահվան դեպքը։

Լրատվամիջոցները հրապարակել են գործով ներգրավված 19 մասնավոր հիվանդանոցների ցուցակը, Թուրքիայի առողջապահության նախարարն ասել է, որ դրանցից երկուսի գործունեությունը արդեն կասեցվել է, ցուցակը կընդլայնվի։

Մեղադրող կողմը կարծում է, որ մահվան պատճառը եղել են վարակները, որոնցով երեխաները վարակվել են նորածնային բաժանմունքներում, ինչպես նաև հիվանդանոցներում բժիշկների պակասը, որոնց հետ հանցավոր խմբի անդամները համաձայնել են. Երեխաներին հաճախ խնամում էին բուժքույրերը, ովքեր իրենց բժիշկ էին ներկայացնում։

Բանդայի մի շարք անդամներ մեղադրվում են հիվանդանոցներից թմրանյութեր վաճառելու մեջ։

Մեղադրական եզրակացությունը բաղկացած է գրեթե 500 էջից և ի թիվս այլ բաների պարունակում է «բժիշկների» խոսակցությունների սղագրությունները, որոնք հաճախ ծաղրում էին նորածինների ծնողներին, որոնց կյանքին վտանգ էր սպառնում։
 

Աղբյուր` Փաստինֆո