Փաստ ինֆո

Իրականում, մենք կարող ենք խոսել այն մասին, որ «Անկախության հռչակագիրը» ոչ մեկ չի կարող վերացնել, սակայն իրականությունն այլ է, եկեք նայենք իրականության աչքերին չփորձենք թաքնվել, ասել՝ ոչ մի բան տեղի չի ունեցել։ Իրականությունն այլ է։ Այս մասին «Անկախության հռչակագրի անժամանցելի արդիականության մասին» հարցի շուրջ քննարկման ընթացքում ասաց իրավաբան Արամ Օրբելյանը։

«Քանի դեռ ճիշտ գնահատական չենք տալիս նրան, ինչ տեղի է ունեցել՝ մենք այստեղ զբաղված ենք լինելու ժամավաճառությամբ։ Իսկ տեղի է ունեցել այն, որ ՀՀ ՍԴ անունը ունեցող մարմինը որոշում է ընդունել, ըստ որի ՀՀ Անկախության հռչակագիրը չի հանդիսանում ՀՀ Սահմանադրության մաս և չի գործում որպես իրավական ակտ։ Սա օբյեկտիվ իրականություն է։ Այդ որոշման մեջ ուղղակի արձանագրել է, որ ՀՀ Սահմանադրական, իրավական համակարգի մաս չի կազմում Անկախության հռչակագիրը»,-ասաց Օրբելյանը՝ հարց ուղղելով, թե արդյոք ՍԴ-ն նման որոշում կայացնելու իրավունք ուներ և արդյոք կայացրած որոշումն իրավաչափ է։

Նրա գնահատմամբ՝ այս հարցերի պատասխանը ոչ է։
«Իսկ ինչ է տեղի ունենում, երբ ՀՀ «սահմանադրական մարմինը» իրականացնում է մի գործընթաց, որի իրավունքը չունի, դա կոչվում է պետական հեղաշրջում։ Դա քրեորեն պատժելի արարք է ՀՀ Քրեական օրոնսգրքին մոտ 5-10 հոդվածներով, որը պետք է արժանանա համապատասխան արձագանքի։ Մենք հիմա պետք է խոսենք Սահմանադրական կարգի վերականգնման մասին, այլ ոչ թե ասենք սահմանադրական կարգը չի տապալվել, որովհետև ոչ մեկ չի կարող դա տապալել»։

Օրբելյանը հիշեցրեց, որ ՍԴ էր ներկայացվել Սահմանադրական հանձնաժողովի կանոնակարգը, փաստաթուղթ, որի շրջանակներում ենթադրվում է, որ պետք է իրականացվի սահմանազատման գործընթացը։ «ՍԴ որոշման մեջ այդ ակտին հղում կա՞, որևէ վերլուծություն, թե այն համապատասխանում է Սահմանադրությանը, թե ոչ, ինչպես պետք է կարգավորվի այդ հարաբերությունները՝ չկա, որևէ վերլուծություն, որ օրինակ, տարածքների փոփոխության արդյունքում քաղաքացիների իրավունքները պաշտպանված են, թե ոչ, որևէ վերծություն, թե արդյոք խորհրդառվական մարմինը կարող է իրականացնել պետական լիազորություններ, թե ոչ, որևէ վերլուծություն չկա։

Ասում է՝ նախորդում կոնցեպցիա չեք մտածել, դոկտրինա չկա, հետևաբար ես որևէ դոկտրինա չեմ կիրառելու։ Սա իրավաբանական աբսուրդ է, որովհետև իրավաբանությունը չի ենթադրում տառակերություն, եթե մի բան պարզ է ու հստակ՝ պետք չէ դոկտրինա մշակել։ Երբ սասում են դոկտրինա մշակել, երբ ամեն բան պարզ է՝ նշանակում է փորձ է արվում շրջանցել իրավական ակտը»,-ասաց նա։

Նա ընդգծեց, որ ՍԴ-ի որոշումը ենթադրում է, որ ԱԺ-ում պետք է քննարկման առարկա դառնալ, թե մենք ինչ պետություն ենք ուզում ունենալ, մենք ուզում ենք ունենալ ՀՀ, թե ուզում ենք ունենալ «ինչ- որ մի պետություն»։

Աղբյուր` Փաստինֆո