Փաստ ինֆո

Այս կառավարության ղեկավարն ամբողջությամբ գիտակցում է, թե ինչպիսի արագությամբ և խորությամբ է ձախողել և ձախողում մեր պետականությունը նրա հիմքերը, ինքնիշխանությունը և այս պատճառով քաջ գիտակցելով իր հանցանքի չափաբաժինը՝ ձգտում է հանցակից դարձնել իր շուրջը բոլորին անխտիր։ Այլապես ինչո՞ւ նոյեմբերի 9-ի խայտառակ փաստաթուղթը, դրան հաջորդած բոլոր փաստաթղթերն ու ստորագրությունները, ներառյալ 2022 թ-ի հոկտեմբերի 6-ի Պրահյան աղետալի փաստաթուղթը, որով ըստ էության հանձնվեց Արցախ աշխարհը՝ չներկայացվեցին, ոչ ՍԴ, ոչ էլ ԱԺ, սակայն այս կանոնակարգ կոչվածը, որն անգամ ինքը չի ստորագրել, անցնում է նման ընթացակարգելով։ Այս մասին ԱԺ-ում հայտարարեց Սրբազան շարժման առաջնորդ Բագրատ արքեպիսկոպոս Գալստանյանը։

«Սա արվում է մեկ նպատակով՝ հանցակից դարձնել բոլորին՝ ՍԴ-ին, ԱԺ-ին, նույնիսկ իր իսկ կուսակցությանն ու խմբակցությանը։ Նա աճուրդի է հանել ոչ միայն մեր պետությունն ու կենսագրությունը, մեզ բոլորիս, այլև իր իսկ թիմակիցներին։

Կարող էի ասել, որ ինձ չի հուզում ՔՊ-ի ոչ շարքային անդամների ճակատագիրը, ոչ պատգամավորների ու կառավարության մանր ու միջին կուսակցականների, իշխանամերձ ու իշխանամեջ տարբեր գործիքների ճակատագիրը՝ ասելով, որ դրանով թող մտահոգվեն ՀՀ-ում հավատարմագրված դեսպանատներն ու քաղաքական ապաստան տվող տարբեր կառույցները, սակայն կարող եմ ասել, որ ինձ հուզում է ՔՊ-ին ընտրած 680 հազար հայ մարդկանց ճակատին ՔՊ-ի կողմից երկիրը հանձնող պիտակավորումն ու մեղքը։ Ինձ հուզում են ՀՀ-ում տեղ գտած արհավիրքի իրական չափերն ու պատկերը, որն անխուսափելի կերպով բացվելու է իր ողջ խորությամբ ու անբարոյականությամբ, բոլոր ծավալներով ու վայրագություններով»,-ասաց Սրբազանը։

Աղբյուր` Փաստինֆո