Փաստ ինֆո

Գործող իշխանությունները այսօր մի բան են ուզում՝ պահպանել իշխանությունը։ Թշնամիները ցանկանում են վերացնել Հայաստանը և մեր պետականությունը։ Մենք պատրաստ ենք ճանապարհ տալ, բայց Ադրբեջանը ճանապարհ չի ուզում, այլ ամբողջ Հայաստանը։ «ՓաստԻնֆոյի» եթերում ասել է քաղաքագետ Թևան Պողոսյանը։

Բանախոսի դիտարկմամբ, նոյեմբերի 9-ի պայմանագրի ստորագրության ժամանակ օնլայն տեսել ենք Ռուսաստանի և Ադրբեջանի տարբերակները, բայց չենք տեսել հայկական տարբերակը։ Ժամանկի ընթացքում պարզվեց, որ կան նաև բանավոր պայմանավորվածություններ, բայց թե որոնք են դրանք՝ դժվար է ասել։ Պետք չէ մոռանալ, որ Մ․ Զախարովան հայտարարել էր, թե պարտավորությունները պետք է կատարվեն և ասել, որ մանրամասները պետք է հարցնել Ն․Փաշինյանից։ Երբ բոլորն ասում են, որ հայկական կողմն ունի պարտավորություններ, որոնք չի կատարում, ապա դրանք մի օր կբացահայտվեն։ Ալիևը երբ սպառնում է երկաթե բռունցքով, դա նշանակում է, որ կան կամավոր բաներ, որոնք կա՛մ պայմանագրով են ստանձնած, կա՛մ բանավոր պայմանավորվածություններ են։

Ըստ քաղաքագետի, Ալիևը խաղաղության պայմանագիր չի ստորագրելու և Սահմանադրության փոփոխության վերաբերյալ հայտարարությունները ժամանակ շահելու խնդիրն են՝ իր շահերից ելնելով։ Վստահաբար, Ալիևն էլ ունի պարտավորություններ, որոնք այլոց մոտ է ստանձնել, որպեսզի կարողանար իր գործողությունները իրականացնել։ Ալիևի պահանջները առավելապես իր սեփական պարտավորությունները հետաձգելու համար են և ուղղված են միջազգային խաղացողներին։

«Ադրբեջանում են պատրաստում են իրենց բանակը նոր գործողությունների համար։ Սյունիքի հետ կապված միջազգային կոնսենսուս կա և բոլորը համաձայն են, որ ճանապարհը պետք է տալ։ Հիմա վերահսկողության պայքար է․ Ռուսաստանը ունի նոյեմբերի 9-ի 9-րդ կետը, ԵՄ-ը ասում է, որ դիտորդներ են ուղարկել, Իրանը իր բաժին պայքարն է տանում։ Ուստի Ադրբեջանը կարող է իր գործողությունն իրականացնել, որպեսզի վերահսկի ճանապարհը և միջազգային խաղացողների հետ քննարկի մնացյալ հարցերը»,- ասել է Թ․ Պողոսյանը։

Մանրամասները՝ տեսանյութում։

Աղբյուր` Փաստինֆո