Փաստ ինֆո

«Փաստինֆո»-ն տարբեր զորամասերում ծառայող զինծառայողներից ահազանգեր է ստացել, որ ՀՀ ԶՈՒ-երը բավարար չափով չեն ապահովում զինծառայղներին անհրաժեշտ պարագաներով, իսկ զինծառայողների ծնողների կողմից ուղարկած ծանրոցները ՌՈ-ն առգրավում է ու տնօրինում՝ ըստ հայեցողության, բաժանում այլ զինծառայողների։

«Փաստինֆո»-ն փորձեց պարզել, թե արդյոք ՊՆ-ն ապահովում է անձնական հիգիենայի պարագաներով, ծնողներն իրավունք ունեն ուղարկելու զինվորներին անհրաժեշի իրերով ծանրոցներ, եթե, այո, ապա որ դեպքում ՌՈ-ն կարող է այն առգրավել։ Ի պատասխան՝ Ա.Թորոսյան վստահեցրեց, թե պաշտպանության նախարարությունը զինված ուժերի բոլոր զորամասերին, բոլոր զինծառայողներին ապահովվում է անհրաժեշտ բոլոր պարագաներով:

«Ծնողները ծանրոցներն ուղարկում են բացառապես իրենց ցանկությամբ, այդուհանդերձ բազմիցս նշել ենք, որ ծանրոցներում չպետք է լինեն արգելված իրեր, պարագաներ: Իսկ ահազանգի վերաբերյալ, եթե ՌՈ կողմից ծանրոցի առգրավվման կոնկրետ դեպք կա, խնդրում եմ մատնանշել այդ դեպքը, որպեսզի առավել հասցեական և կոնկրետ մեկնաբանություն տանք»,- ասացին ՊՆ-ից:

Կարծում ենք՝ ներքնաշորերն ու գուլպաները, հիգիենայի այլ պարագաներն արգելված իրեր չեն, որոնք ծնողներն ուղարկում են ծառայության մեջ գտնվող իրենց զավակներին, իսկ առգրավման կոնկրետ դեպքերրի մասին տվյալներ ունենք, սակայն չենք հրապարակում այդ զինծառայողների կյանքը մղձավանջի չվերածելու համար։ Եթե, իսկապես, ՊՆ-ն մտահոգված է այս հարցով, ապա ուղղակի կարող են նախազգուշացնել ՌՈ ծառայողներին, որ դա հանցագործություն է ու սաստեն նման վարքագիծը։

Աղբյուր` Փաստինֆո