Փաստ ինֆո

Հոնկոնգում կայացել է հերթական մրցաշարը՝ ոչինչ չանելու համար։ Այս մասին հայտնում է South China Morning Post-ը։

Քանի որ Հարավային Կորեան համարվում է «մարզական պարապության» ծննդավայրը, մրցույթն անցկացվում էր Կորեայի մշակութային կենտրոնում։ Մասնակցել է ավելի քան 70 մարդ։ Նրանցից պահանջվում էր նստել և ոչինչ չանել ամբողջ 90 րոպե: Զրուցելը, քնելը և չափից ավելի շարժումները կարող են հանգեցնել որակազրկման:

Համոզվելու համար, որ մրցակիցներն իսկապես հանգիստ են, նրանց զարկերակը չափել են էր 15 րոպեն մեկ։ Սրտի արագացված բաբախյունը նվազեցրել է հաղթելու հնարավորությունները: Բացի այդ, հաղթողին ընտրելիս հաշվի է առնվել հանդիսատեսի կարծիքը։ Նրանք ձայն են տվել նրանց, ովքեր ամենաանբան էին։

Հաղթողը ստացել է անվճար ավիատոմս դեպի Հարավային Կորեա, որտեղ 2014 թվականից անցկացվում են «ոչինչ չանելու» մրցաշարեր, որը հիմնել է Oops-young կեղծանունով նկարիչը, ով կարծում էր, որ մարդիկ թերագնահատում են պարապության օգուտները: Նա իր առաքելությունն է դրել փոխել բացասական վերաբերմունքը պասիվ հանգստի նկատմամբ, ինչը հատկապես սուր է Ասիայում, որտեղ տարածված է աշխատասիրության և գերակատարման պաշտամունքը։

Աղբյուր` Փաստինֆո