Փաստ ինֆո

Սպանությունների շուրջ 10 տոկոսը եղել է անհայտ կորածներով նախատեսված վարույթներ։ Սպանությունների շուրջ 80 տոկոսը կատարվել է կենցաղային հողի վրա։ Այս մասին խորհրդարանական լսումների ընթացքում ասաց ՆԳՆ նախարար Վահե Ղազարյանը՝ ներկայացնելով հանցավորության պատկերը։

Ղազարյանը նախ ներկայացրեց վիճակագրական տվյալներ, համաձայն որի՝ վերջին հինգ տարիների ընթացքում հանցավորության աճը միջինում կազմել է 11,1% ՝ կրճատելով 0,7 %-ով։ Այսպես՝ 2019թ․ աճը՝ 8,8 %, 2023թ․ աճը՝ 8,1 %։ 2024թ․ ութ ամիսներում արդեն իսկ աճել է հանցավորության թվի նվազում՝ 1070-ով կամ 4,2 %-ով՝ 25637-ից 24 567 դեպք։ Վերջին հինգ տարիներին առանձնապես ծանր հանցագործությունների աճը միջինում կազմել է 58,3 տոկոս, 2019թ՝ 284, 2020թ․ 296, 2021թ՝ 350, 2022թ՝ 880, 2023թ․՝ 4678, ինչը հիմնականում պայմանավորված է եղել առանձնապես խոշոր չափերի թմրամիջոցների մաքսանենգության, դրանց իրացման, հանկարծամահության դեպքերով։ Ծանր հանցագործությունների աճը միջինում կազմել է 13,4 տոկոս, 2019թ՝ 4490, 2020թ՝ 4077, 2021թ․՝ 4407, 2022թ՝ 5080, 2023թ․՝ 6116, ինչը հիմնականում պայմանավորված է եղել զենք-զինամթերքի ապօրինի շրջանառությամբ, խոշոր չափրի թմրամիջոցների շրջանառությամբ, առանձնապես խոշոր չափերով խարդախության դեպքերի արձանագրմամբ։

Նրա խոսքով՝ հիմնական հանցատեսակներից աճել է սպանության՝ 12,1 տոկոս, սպանության փորձը՝ 18,4 տոկոս, զենք-ռազմամթերքի շրջանառությունը՝ 15,6 տոկոս, ճանապարհային երթևեկության կանոնները խախտելը՝ 13,9 տոկոս, խուլիգանություն՝ 23,3 տոկոս, թմրամիջոցների ապօրինի շրջանառություն՝ աճը 46,6 տոկոս, խարդախություններ՝ 14 տոկոս աճ։ Ինչ վերաբերում է գողության դեպքերին, ապա՝ դրանք նվազել են։

Վահե Ղազարյանն ուշադրություն հրավիրեց նաև այն հանգամանքին, որ յուրաքանչյուր համաներումից հետո ՀՀ–ում արձանագրվում է հանցավորության աճ։ Մասնավորապես, 2018 թվականի նոյեմբերին հայտարարված համաներումից հետո 2019, 2021 թթ. համաներված 4 976 անձից հետագայում հանցանք են կատարել 1 152–ը։

Աղբյուր` Փաստինֆո