Փաստ ինֆո

Բժիշկ, մարդաբան և հեռուստահաղորդավար Քսանդ Վան Թուլեքենը նախազգուշացրել է, որ հոդատապով (պոդագրա), որը հայտնի է նաև որպես «թագավորների հիվանդություն», այսօր տառապում է Մեծ Բրիտանիայի բնակիչների մոտ 2,5 տոկոսը։ Նրա խոսքերն այն մասին, որ այդ հիվանդությունը ավելի ու ավելի շատ մարդկանց է ախտահարում, մեջբերում է Coventry Telegraph-ը։

Պարբերականի տվյալներով՝ ուսումնասիրությունները ցույց են տվել, որ չորս տարվա ընթացքում Անգլիայում հոդատապի հիվանդացությունն աճել է գրեթե հազար տոկոսով։ Վան Տուլեկենն ընդգծել է, որ հոդատապի կասկածի դեպքում պետք է անպայման դիմել բժշկի: Ընդ որում, գլխավոր ախտանիշ նա անվանել է հոդի կարմրությունը, առավել հաճախ՝ ոտքի բութամատի։

Նրա խոսքով՝ այս հիվանդության ժամանակ հոդացավը կարող է այնքան ուժեղ լինել, որ մարդու համար տհաճ կլինի շփվել նույնիսկ անկողնային պարագաների հետ: «Դա սարսափելի ցավ է։ Վիկտորիանական ծաղրանկարները նրան հիանալի են նկարագրում։ Այնտեղ պատկերված են ժանիքներով դևեր, որոնք կծում են ոտքը։ Մոտավորապես այդպես է զգացողությունը», - բացատրել է բժիշկը։

Մասնագետը հավելել է, որ հոդատապի զարգացման պատճառը միզաթթվի բյուրեղներն են, որոնք նստում են հոդերում։ Այս վիչակը տեղի է ունենում ձկների մեջ մեծ քանակությամբ պուրինի հատուկ նյութի պատճառով, հատկապես ճարպային, օրգանների մսի և գարեջրի մեջ: Հետեւաբար, այն մարդկանց համար, ովքեր հակված են հոդատապի կամ արդեն ունեն այս ախտորոշումը, կարևոր է սահմանափակել նշված մթերքների օգտագործումը, եզրակացրել է բժիշկը:

Աղբյուր` Փաստինֆո