Փաստ ինֆո

Բրիտանացին, ով փրկվել է իր կնոջ կողմից իրականացված երեք մահափորձից հետո, սպասում է նրա բանտից դուրս գալուն, գրում է Daily Mail-ը։ Տղամարդու խոսքով՝ ամեն ինչում մեղավոր է իր նախկին ընկերը, ում հետ սիրավեպ է սկսել կինը։

Daily Mail-ը գրում է, որ Ռեյ Ուեզերոլը երեք անգամ փրկվել է իր կնոջ՝ Հեյլիի և նրա սիրեկան Գլեն Փոլարդի կողմից մահափորձից հետո։ Սիրեկանները կրակել են իր վրա,նաև փորձել թունավորել։ Դրանից հետո կինը և նրա սիրեկանը դատապարտվել են ցմահ ազատազրկման, սակայն տուժած բրիտանացին դեռ սպասում է և հավատում է, որ իր կինը ի վերջո ազատ կարձակվի։

Ուեզերալն ասել է, որ ինքը ոչ մի գրամ ոխ չի պահել Հեյլիի նկատմամբ և կարծում է, որ նա ընկել է Գլենի վատ ազդեցության տակ, ով եղել է բոլոր մահափորձերի նախաձեռնողը։

«Ես ուզում եմ, որ նա վերադառնա ինձ մոտ, քանի որ ես սիրում եմ նրան: Եթե Փոլարդը չլիներ, այս բոլոր մահափորձերը չէին լինի», - ասում է Ռեյը:

Բացի այդ, տղամարդն ամեն ամիս անցնում է հարյուրավոր կիլոմետրեր՝ տեսակցելու ազատազրկված կնոջը, և համարում է, որ յուրաքանչյուր հանդիպում «լի է քնքշությամբ»։

«Նա գրկում է ինձ և համբուրում, և մենք միասին նստում ենք հյուրասենյակում», - ավելացրել է ամուսինը:

Թեև Ռեյը չարորակ քաղցկեղ ունի, նա հավատում է, որ կարող է ապրել այնքան, մինչև Հեյլիին նորից տեսնի տանը:

«Հեյլիի ուղեղը լվացել են: Նա հիմար էր։ Նրան միշտ հեշտ էր շփոթության մեջ գցել: Եվ նա ցմահ ազատազրկում է կրում այս հիմարության համար»,- եզրափակել է Ուեզերոլը։

Աղբյուր` Փաստինֆո