Փաստ ինֆո

Նոր Զելանդիայում որսորդները խուլ վայրում նկատել են երեք տարի առաջ կորած երեխաներին։ Այս մասին հայտնում է Daily Mail-ը:

11-ամյա Ջեյդան, 9-ամյա Մավերիկը և 8-ամյա Էմբերն անհետացել են 2021 թվականի դեկտեմբերին։ Դրանից մի քանի ամիս առաջ հայրը 18 օրով նրանց տարել էր առանց մոր գիտության։ 18 օր անց նրանք վերադարձել և պատմել են, որ ապրում էին վրանում՝ բնության գրկում։ Երբ երեխաները կրկին անհետացել են, նրանց մայրը՝ Քեթը, դիմել է ոստիկանություն Նրա խոսքով՝ արդեն առաջին «արշավից» հետո նրանք շատ նիհարած են վերադարձել, եւ ինքը շատ է անհանգստացել այն պայմանների պատճառով, որոնցում ստիպված են եղել ապրել։ Ոստիկանները խոշոր պարգևատրում են խոստացել ընտանիքի գտնվելու վայրի մասին տեղեկությունների համար։ Ժամանակ առ ժամանակ հայտնվում էին վկաներ, ովքեր պնդում էին, որ տեսել են և երեխաներին, և հորը, բայց կորածներին գտնել այդպես էլ չի հաջողվել ։

2024-ի հոկտեմբերին անհերքելի ապացույց հայտնվեց, որ ընտանիքը դեռ կենդանի է. երիտասարդ որսորդները նկարահանել են հորը և երեք երեխաներին, որոնք դաշտով քայլում էին գյուղական տեղայնքում: Սկզբում որսորդները կարծել են, թե իրենց դիմաց որսագողեր են, և պաշտպանիչ գույնի հագուստով անծանոթներին բղավել են, որ նրանք քայլում են մասնավոր տարածքով։ Նրանց ենթադրաբար պատասխանել է Ջեյդը: Երբ որսորդները հարցրին, թե արդյոք ինչ-որ մեկը գիտի, որ իրենք այստեղ են, աղջիկը բղավել է. «Ոչ, միայն սուք, տղաներ»։

Քեթը կարծում է, որ այդ կերպ իր դուստրը ազդանշան է տվել, որ իրենք օգնության կարիք ունեն։ Կինն ասում է, որ ամուսինը ծանր բնավորություն ունի.նա սիրում է վերահսկել մարդկանց և հատկապես ընտանիքին: Այն, ինչ տեղի ունեցավ Ջեյդի, Մավերիկի և Էմբերի հետ, երեխաների նկատմամբ բռնությունն էր, ասում է նա:

Աղբյուր` Փաստինֆո